Sjómannablaðið Víkingur - 01.08.1980, Blaðsíða 64

Tvö ný ekjuskip
(ro-ro skip) tU Eimskipa
■ ■■■
í júní undirritaði Eimskipafé-
lagið samning við tvö dönsk
skipafélög ATLAS A/S og MER-
CANDIA um leigu á tveimur
systurskipum, sem félögin eiga.
Fyrra skipið var afhent Eimskip
þann 12. ágúst og var því gefið
nafnið „ÁLAFOSS“. Álafoss
sigldi frá Frederikshavn í sína
fyrstu ferð 19. ágúst til Felixstowe,
Rotterdam og Hamborgar. Síðara
skipið verður afhent í byrjun
september, og verður því gefið
nafnið „EYRARFOSS".
Skipin eru leigð til 12 mánaða á
þurrleigusamningi (bareboat-
charter) framlengingarréttur er til
12 mánaða, en Eimskip hefur
kauprétt á skipunum.
Álafoss og Eyrarfoss eru ekju-
skip. Það er nýyrði fyrir ro-ro skip,
sem enn á sér ekki festu í málinu.
Þau eru s'ysturskip, smíðuð hjá
Frederikshavn Værft í Danmörku,
1599 brúttórúmlestir að stærð
lengd er 105.6 metra, breidd 18.8
metrar. Aðalvél er af MAK gerð
4.500 hestöfl. Þrjár Mercedes Benz
diesel hjálparvélar eru í skipinu.
Ganghraði skipsins er 15.5 mílur á
klukkustund. Flutningageta
skipsins er 3.620 tonn (dwt), en
flutningarými 364.000 rúmfet.
Ákverðið er að lesta og losa nýju
skipin í Sundahöfn. Óframkvæm-
anlegt er að afgreiða þau í gömlu
höfninni, þar sem athafnarými er
of lítið á hafnarbökkum og örðugt
að koma við nauðsynlegum
tækjabúnaði
Tvö skip Eimskipafélagsins
hafá nú verið seld, Álafoss og
Kljáfoss, og tvö eru á söluskrá,
Reykjafoss og Skógafoss.
Tveir stýrimenn eða þrír?
Deila er komin upp milli Stýri-
mannafélags íslands og Eim-
skipafélagsins um mönnun á nýju
skipunum tveimur Álafossi og
Eyrarfossi. Að sögn Baldurs Hall-
dórssonar, varaformanns Stýri-
mannafélagsins, vill Eimskipafé-
lagið manna skipin samkvæmt
dönskum reglum, en það þýðir að
stýrimenn verða tveir á skipi. En
samkvæmt íslenskum lögum um
atvinnuréttindi skipstjórnar-
manna eiga stýrimenn að vera þrír
á skipum yfir 1500 brúttórúmlest-
ir.
— Yfirmenn skipsins, sagði
Baldur, eru ráðnir samkvæmt úr-
skurði kjaradóms, sem gildir um
kjör farmanna á íslenskum skip-
um, en mönnunarákvæðin sem
Eimskip fer eftir eru dönsk. Það er
skoðun Stýrimannafélagsins að
ekki sé hægt að slíta í sundur
mönnunarákvæði og laun og kjör
viðkomandi manna. Við höfum
haft samband við danska stýri-
mannafélagið og njótum fulls
stuðnings þess í málinu, sagði
Baldur.
Þegar Víkingur fór í prentun
voru líkur á að deila þessi mundi
leysast.
64
VÍKINGUR