Sjómannablaðið Víkingur - 01.08.1983, Blaðsíða 51

vesturátt. Útsýnið á leiðinni var
takmarkað. en þó greiddi úr skýj-
um er kom inn yfir Austurströnd-
ina. Það sem við sjónum blasti
verður best lýst með orðunum
grjót og ís og j?að mikið af hvoru
tveggja eins og flestir íslenskir sjó-
menn þekkja er komið hafa upp
undir Grænlandsstrendur. Vélin
er hægfleyg og flugið til Syðri-
Straumfjarðar tók svipaðan tíma
og þotur fljúga frá Kaupmanna-
höfn til sama staðar, eða um 4
klukkustundir. Þröngt er um flug-
völlinn í Straumfirði. Ein braut
liggur út og inn á leirunum innst í
fjarðarbotninum. Þar fyrir innan
rís hinn eilífi Grænlandsjökull,
svo stærri flugvélar verða alltaf að
lenda inn fjörðinn og að sama
skapi að taka sig á loft út hann. Því
fer betur að veður eru hér nær
alltaf stillt. Á þessum slóðum er
landræman undan jökli hvað
breiðust á Grænlandi eða liðlega
100 km. Örmjór Straumfjörðurinn
hinn syðri sker sig á ská inn í land-
ið og er orðinn allt að 150 km
langur er hann nær jökli. Þarna
innst inni ríkir hálfgert megin-
landsloftslag, stillur og sólfar
mikið. Hið sama má reyndar segja
um mest alla Vesturströndina, en
þar gætir hins vegar nálægðar hins
kalda sjávar með dimmum og
köldum þokum er sæfarendur
kannast svo vel við. Þessum þok-
um léttir þó oftast við ströndina
þegar kemur fram á morguninn
svo blíðasta veður getur verið í
grænlensku byggðunum mest all-
an daginn þótt næturnar og
morgnarnir geti verið napurkaldir,
jafnvel á miðju sumri við Hvarf.
Straumfjörðurinn heilsaði okk-
ur með glampandi sólskini, logni
og að því er virtist hita. Er betur
var að gáð voru þó pollar í skugga
hemaðir og gróður hvergi farinn
að taka á sig lit. Fjörðurinn sjálfur
var enn ísilagður, en landið snjó-
laust að kalla nema í efstu fjöllum.
Syðri-Straumfjörður er aðal-
VÍKINGUR
Atvinnumálaráðherra Grænlendinga held-
ur ræðu, í baksýn má sjá merki ráðstefn-
unnar.
millilandaflugvöllur Grænlend-
inga. Þar er myndarleg flugstöðv-
arbygging með hóteli fyrir um 350
manns. Ameríska herstöðin hin-
um megin við völlinn er nú vart
rneira en nafnið eitt. Okkur var
tjáð að þar störfuðu um 100 Ame-
ríkanar (auk 300 Dana er sæju um
viðhald og rekstur). Helsta verk-
svið stöðvarinnar er að sjá radar-
stöðvum uppi á jöklinum fyrir
vistum og olíu og sáum við stórar
flutningaflugvélar búnar skíðum á
vellinum.
Grænlendingar
vilja úr EBE
Norðmennirnir og megnið af
Færeyingunum á ráðstefnunni
voru ekki væntanlegir fyrr en
daginn eftir frá Kaupmannahöfn.
Við gistum því eina nótt þarna á
hótelinu. Um kvöldið rákunst við
fyrir tilviljun á Moses Olsen fjár-
málaráðherra grænlensku heima-