Sjómannablaðið Víkingur - 01.12.1987, Qupperneq 77

33. þing . . .
bilinu 1. ágúst 1991 til 1. febrúar
1997.
Ný eöa nýleg tæki sem fjallað
er um:
Navtex-búnaður skal vera I
öllum skipum eftir 1. ágúst
1991. Veöurspár, tilkynningar
til sjófarenda og neyðarskeyti
er sent út á ensku á 518 kHz og
skilar viðtækið sendingunum á
prentara.
Stafrænt valkall (DSC), með
þessu tæki er hægt að kalla í
tiltekið skip, eða öll skip. Einnig
er hægt að kalla frá skipi í til-
tekna strandarstöð eða skip,
velja símanúmer o.fl..
Gervihnattafjarskipti með
Standard A stöð þ.e. sími,
tölvusamband eða telex. Þá
mun einnig verða á boðstólum
ódýrari útgáfa svonefnd
Standard C, er notar eingöngu
telex.
Á stuttbylgju verður skylt að
hafa NBDP þ.e.a.s. telex auk
talsambands.
EPIRB, það er staðsetningar-
neyðarbauja á 406 MHz sem
fer í gegnum gervitungl.
í björgunarförum verður skylt
að hafa radarsvara á 9 GHz og
beranlegar örbylgjustöðvar.
Ég hef aðeins stiklað á helstu
atriðum í sambandi við hið nýja
fjarkiptakerfi. Ekki hefur enn
náðst samkomulag innan Al-
þjóðasiglingamálastofnunar-
innar um hverjir eigi að þjón-
usta og halda við fjarskipta-
tækjunum. Hinn 14. október s.l.
voru á þingi Alþjóðafjarskipta-
ráðsins í Genf gerðar ýmsar
samþykktir er varða hið nýja
fjarskiptakerfi, svo sem um
menntunarkröfur til að fá hin
ýmsu skírteini til að mega nota
fjarskiptabúnað skipa, þ.e. fyrir
skírteini 1. eða 2. flokks raf-
eindaloftskeytamanns (Radio
Electronic Officer), almennt
skírteini talstöðvavarðar, og
takmarkað skírteini talstöðva-
varðar.
FÉLAGSMÁL
Talstöðvavörður með takmark-
að skírteini, má aðeins nota
stöðvar um borð í skipum er
sigla innan örbylgjusviðs
strandarstöðva. Talstöðva-
vörður með almennt skírteini,
má aðeins nota stöðvar um
borð í skipum er sigla innan ör-
bylgju- eða millibylgjusviðs
strandarstöðvar. En þá kemur
að því hvað varðar mína stétt
mest í sambandi við þetta nýja
kerfi, en það er að skip sem
sigla á hafsvæðum utan milli-
bylgjusviðs strandarstöðva
skulu hafa 1. eða 2. flokks raf-
eindaloftskeytamann um borð.
Það skal tekið skýrt fram að
þrátt fyrir hið nýja kerfi, munu
þær reglur sem nú eru í gildi
vera það áfram enn um sinn.
En hvernig er menntunarmál-
um loftskeytamanna háttað í
dag? Því er fljótsvarað, það
hefur enginn skóli verið haldinn
síðan 1979 en þá voru loft-
skeytamenn útskrifaðir síðast.
Á árunum 1981 til 1983 var
starfandi nefnd er fjallaði um
menntun loftskeytamanna og
var það niðurstaða hennar að
námið skyldi fara fram við Iðn-
skólann í Reykjavík og aukið
verulega við rafeindamenntun
nemenda, þannig að þeir yrðu
einnig rafeindavirkjar. Það
hefði komið vel út miðaö við
þær kröfur sem Alþjóðafjar-
skiþtaráðið samþykkti nú ný-
verið um menntun rafeindaloft-
skeytamanna, en því miður
voru störf nefndarinnar stöðv-
uð af Menntamálaráðuneytinu
og Iðnfræðsluráði hinn 1. nóv.
1983, þegar nefndin var tilbúin
til að semja námsskrá. Síðan
hefur engu verið þokað í
menntunarmálum loftskeyta-
manna. Nú er svo komið að við
eigum í erfiðleikum með að
manna þessar fáu stöður sem
eftir eru á skipunum og vart er
betra ástandið hjá strandar-
stöðvum Pósts og síma.
Ég vil beina því til annarra
stétta um borð í íslenskum
skipum, að þær hugleiði og
svari hreinskilningslega hvort
þær telji þörf á sérmenntuðum
manni í viðhaldi tækja og til að
annast fjarskiptin um borð hjá
sér. Sá maður er ekki einvörð-
ungu til öryggis fyrir sitt eigið
skip, heldur einnig fyrir nær-
stödd skip er kynnu að þurfa á
aðstoð að halda. Það er ykkar
að segja til um hvort þörf er á
þessum öryggisþætti um borð
hjá ykkur.
Að lokum vil ég brýna alla að
hafa góða hlustvörslu og hafa
tækin í lagi um borð í sínu skipi,
því óhugnanlegt hlýtur að vera
að frétta síðar af neyðarkalli
skammt frá sér, en hafa ekki
vitað af því vegna slælegrar
hlustvörslu eða bilaðra tækja.
Fulltrúar FlL á 33. þingi
FFSÍ Anna Lilja Jóns-
dóttir og Reynir Björns-
son. Anna Lilja sat nú
sitt annaö þing og er
eina konan sem þar hef-
ur setið.