Sjómannablaðið Víkingur - 01.04.1990, Blaðsíða 60
Gámur
skrifar
„EG SKIPTI";aœ
Óhætt mun að fullyrða að ekki hafi þeir sem
nálægt sjávarútvegi koma orðið jafn hissa og
þegar þau tíðindi spurðust að Halldór Ásgríms-
son, sjávarútvegsráðherra, hefði skipt um skoð-
un í útflutningi á ferskum flöttum fiski á dögunum.
Eða eins og Jón Ármann Héðinsson, fiskverkandi
sagði í blaðaviðtali: „Þetta eru stór tíðindi sem
koma mér á óvart enda ekki á hverjum degi að
Halldór skipti um skoðun." Þeir sem gerst hafa
fylgst með Halldóri í starfi sjávarútvegsráðherra
segja að þetta sé í fyrsta sinn að hann skiptir um
skoðun eftir að hafa tekið opinbera ákvörðun. En
hvað olli því þá að Halldór skipti um skoðun?
Ástæðan er sú að hann hljóp illilega á sig þegar
hann bannaði útflutninginn og stóð frammi fyrir
því að Jón Baldvin gæfi allan saltfiskútflutning
frjálsan til mótvægis. Þeir SÍF menn vildu frekar
að Halldór drægi í land í flatfiskmálinu en að allur
saltfiskútflutningur verði frjáls. En það voru ein-
mitt forráðamenn SÍF sem fengu Halldór til að
setja bannið á.
Það gustar um Halldór um þessar mundir víðar
en í ferskfiskútflutningnum. Hann stendur nú í
fyrsta sinn frammi fyrir því að vera ekki viss um
þingmeirihluta fyrir kvótafrumvarpinu. Það var
Halldóri mikið áfall að Geir Gunnarsson skyldi
leggja það til að gildistöku nýju kvótalaganna
verði frestað fram á haust 1991, svo tími gefist til
að skoða frumvarpið betur en það telja ýmsir vera
meingallað. Áfallið stafar af því að Geir Gunnars-
son er einn virtasti þingmaður landsins um þess-
ar mundir. Hann talar sjaldan opinberlega en
þegar hann talar hlustar allur þingheimur. Og ef
Geir segir að kvótafrumvarpið sé gallað, þá fara
allir þingmenn að skoða það. jafnvel þingmenn
sem hefðu látið það ógert ella.
Eins og málin standa núna er talið víst að ekki
sé þingmeirihluti fyrir kvótafrumvarpinu óbreyttu.
Sjónarmið sjómannasamtakanna um að ekki
skuli leyft að selja óveiddan fisk í sjónum, á vax-
andi fylgi að fagna, bæði meðal minni útgerðar-
manna og landverkafólks. Það er einnig vaxandi
fylgi við það að binda kvóta með einhverjum hætti
við byggðarlög. Nær víst er talið að viðamiklar
breytingar verði gerðar á frumvarpinu í meðförum
þingsins.
Vegna hins háa verðs á fiskmörkuðum í Bret-
landi og Þýskalandi undanfarna mánuði eykst
jafnt og þétt þrýstingur þeirra sem vilja flytja út
ísfisk. Aflamiðlun stendur enn gegn aukningu, en
ekki er víst að henni takist það til lengdar. Nær
allur fiskur sem Norðmenn veiða um þessar
M/S BALDUR
Óskum útgerð
og áhöfn
til hamingju með
nýjan BALDUR.
Þeir völdu
skilvindur frá
oc ALFA-LAVAL
og ræsi-
loftsþjöppur frá
JJtlasCopco
• Sl 1 JHPI
Landssmiðjan hf.
Sölvhólsgötu 13,101 Reykjavík, sími 20680