Sjómannablaðið Víkingur - 01.07.1990, Blaðsíða 40
ats\á
MIKILVÆGAR MARKAÐSFRETTIR
VÍKINGUR
HORFURNAR Jæja, þá er hún komin Græn-
landsgangan sem menn hafa beðið spenntir eftir
hvort léti sjá sig. Allt frá því mikinn fjölda þorsk-
seiða rak til Grænlands árið 1984 hafa menn velt
því fyrir sér hvort þau myndu skila sér aftur á
íslandsmið þegar þau ná kynþroskaaldri. Græn-
lendingar hafa einnig litið þessa búbót hýru auga
og eru búnir að selja breskum og þýskum skipum
veiðileyfi á þorski. Hafa íslenskir fiskifræðingar
miklar áhyggjur af því að verulega gangi á stofn-
inn áður en hann skilar sér á Islandsmið. En um
miðjan júní fann rannsóknaskipið Dröfn fyrstu
gestina frá Grænlandi úti fyrir Reykjanesi. Þar var
á ferð sex ára gamall þorskur og leyndi sér ekki
uppruninn. Fiskurinn var talsvert smærri en jafn-
aldrar hans sem vaxið hafa upp í hlýrri sjó hér við
land og auk þess var hann laus við hringorm en
það er einmitt einkenni á grænlenskum þorski.
Fiskifræðingar urðu að vonum glaðir því þeir voru
búnir að spá verulegum samdrætti í þorskveiðum
hér við land ef sá grænlenski skilaöi sér ekki.
Þótt fyrsti fiskurinn hafi látið sjá sig er ekki von á
megingöngunni fyrr en næsta ár og þarnæsta.
Fiskifræðingar sögðu þegar þeir settu fram tillög-
ur sínar um veiðar þessa árs og næsta að ef
gangan kæmi mætti auka veiðarnar um 50 þús-
und tonn á ári án þess að það kæmi niður á
hrygningarstofninum. Og nú eru útgerðarmenn
þegar byrjaðir að þrýsta á um að bætt verði við
kvótann. Svo var á talsmanni LÍÚ að skilja að þar
á bæ teldu menn eðlilegt að auka kvótann upp í
400.000 tonn af þorski á næsta ári. Ekki virðast
allir á því að fara að ráðum útgerðarmanna. Hall-
dór Ásgrímsson brást við fréttunum af Græn-
landsgöngunni með því að segja að nú væri rétt
tíminn til að stækka hrygningarstofninn við land-
ið. Rangt væri að hleyþa allri viðbótinni inn í kvót-
ann heldur bæri að leggja sem mest inn á höfuð-
stólinn í því augnamiði að uppskera betur í fram-
tíðinni. Um þetta verður vafalaust karþað næstu
vikurnar og mánuðina. Forvitnilegt verður svo að
sjá tillögur Hafrannsóknastofnunar sem væntan-
lega verða lagðar fram þegar líður á sumarið.
Það er hins vegar Ijóst þegar litiö er á markað-
ina fyrir íslenskan ísfisk að sú gósentíð sem þar
hefur ríkt, bæði hér heima og erlendis, viröist vera
á enda. Verðið fer lækkandi á öllum mörkuöum
og á öllum tegundum. Kannski er það bara árs-
tíminn, það dregur alltaf úr eftirspurn eftir fiski á
sumrin. Við skulum vona að svo sé.
ÞORSKUR Eins og kunnugt er úr fréttum urðu
harðar deilur um útflutning á gámafiski til Bret-
lands og Þýskalands í síðasta mánuði en þá fóru
nokkrir aðilar í Vestmannaeyjum talsvert framyfir
þær heimildir sem þeir höfðu til að flytja út fisk.
Ljóst er að sölur á íslenskum þorski voru verulega
miklu meiri í maí en apríl, 2.868 tonn á móti 2.114
tonnum, en hins vegar minni en í mars þegar flutt
voru út 3.302 tonn af þorski til breskra hafna.
Verðið í maí er líka töluvert lægra en í apríl, 1,17
pund eða 117,17 krónur fyrir kílóið að meðaltali á
móti 127 krónum í apríl. Framboðið jókst einnig á
íslensku mörkuöunum úr 3.460 tonnum í apríl í
4.340 tonn í maí. Verðið lækkaði líka úr 75,77 kr.
fyrir kílóið að meðaltali í 63,43 kr. Hæsta meðal-
verðið fékkst á Faxamarkaði, 68,43 kr., í Hafnar-
firði fengust 66,72 kr. og á Fiskmarkaði Suður-
nesja fengust 60,70 kr. fyrir kílóið að meðaltali.
ÝSA Sömu sögu er að segja um ýsuna og þorsk-
inn, það var flutt út töluvert meira af henni í maí en
apríl, 2.777 tonn á móti 1.912 tonnum í apríl og
hafði magnið þá tvöfaldast frá því í mars. Verðfall-
ið er líka meira, það hrynur úr 1,44 pundum í 1,18
pund (118,52 kr.) fyrir kílóið að meðaltali. Fram-
boðið á íslensku mörkuðunum tvöfaldaðist í maí
en þar var landað 2.405 tonnum. Meðalverðið
lækkaði líka snarlega, fór úr 89,85 kr. fyrir kílóið í
68,97 kr.
KARFI Framboð á íslenskum karfa í þýskum
höfnum var helmingi minna í maí en apríl eða
1.317 tonn. Verðið heldur samt áfram að lækka en
í maímánuði fengust 2,54 mörk fyrir kílóið að
meðaltali eða 91,64 kr. Hefur verðið lækkað um
hálft mark frá því í mars en þá fengust 108,56 kr.
fyrir kílóið að meðaltali. Framboð dróst einnig
saman á íslensku mörkuðunum og var 575 tonn í
maí á móti 743 tonnum í apríl. Meðalverðið lækk-
aði líka úr 35,71 kr. í 29,35 kr. fyrir kílóið.
UFSI Framboðið á íslenskum ufsa í Þýskalandi
dróst einnig saman úr 407 tonnum í apríl í 274
tonn í maí. Veröið lækkaði örlítið, fór úr 2,30 mörk-
um fyrir kílóið að meðaltali í 2,26 mörk eða 80,95
kr. Framboðið á íslensku mörkuðunum breyttist
lítið og var 948 tonn í maímánuði. Meðalverðið
lækkaði örlítið, úr 35,29 kr. fyrir kílóið í 34,09 kr.
GRÁLÚÐA Alls var landað liðlega 800 tonnum af
grálúðu í breskum og þýskum höfnum í maímán-
uði, 597 tonnum í Þýskalandi og 206 tonnum í
Bretlandi. Meðalverðið í Þýskalandi reyndist vera
2,69 mörk eða 96,80 kr. fyrir kílóið. ívið lægra
verð fékkst í breskum höfnum, 96 pens eða 96,66
kr. Á íslensku mörkuöunum þremur var aðeins
landað 303 tonnum af grálúðu og fengust að
meðaltali 61,33 kr. fyrir kílóið af henni.