Sjómannablaðið Víkingur - 01.07.1990, Blaðsíða 41
ALÞJÓÐLEGAR FRÉTTIR ÚR PACIFIC FISHING
í
SOVÉTRÍKIN Umbreytingarnar sem orðið hafa í
Sovétríkjunum að undanförnu hafa nú náð til
sjávarútvegsins. í lok síðasta árs tók gildi ný áætl-
un fyrir allar stofnanir þessarar atvinnugreinar og
er helsta markmið hennar að gera þær að arð-
bærum fyrirtækjum. Hún hefur í för með sér að tíu
stofnanir sem tilheyra æðstu stjórn ríkisins á fisk-
veiðum verða lagðar niður. 52 smærri fyrirtæki
verða ýmist lögð niður eða sameinuð, ýtt verður
undir myndun nýrra samvinnufyrirtækja, komið á
fót öflugum flutningafyrirtækjum og samningar
við verktaka á ýmsum sviðum sjávarútvegs verða
gerðir í auknum mæli. í kjölfar endurskipulagn-
ingar sovésks sjávarútvegs verður lögð áhersla á
samvinnu við erlend ríki og fyrirtæki. Erlend sam-
vinna á þessu sviði er þegar orðin umtalsverð.
Sovétríkin hafa gert rúmlega 70 samstarfssamn-
inga við yfirvöld í 43 löndum. Markmiðið með
alþjóðasamstarfi verður að efla fiskeldi, tækni-
væða veiðar og vinnslu og auka gæði sjávar-
fangs.
ÍRLAND írsk stjórnvöld hafa samþykkt ákvörðun
bresku stjórnarinnar um að leyfa þremur fyrir-
tækjum að losa 49.000 tonn af efnaúrgangi í
Norðursjó. Þetta er gert þrátt fyrir mótmæli hags-
munaaðila í sjávarútvegi fimm ríkja sem lönd eiga
að Norðursjó og þrátt fyrir að alþjóðlegt bann við
losun efnaúrgangs í sjó hafi tekið gildi um síðustu
áramót. Sérf ræðingar í öðrum löndum hafa varað
eindregið við losuninni. Norskir sérfræðingar
segja í mótmælabréfi til bresku stjórnarinnar að
mengunarvaldar í úrganginum verði,, miklu meiri
en hægt er að fallast á“. í mótmælum Dana er
kvartað um að litlar tilraunir hafi verið gerðar til að
sannreyna áhrif losunarinnar á lífríkið, auk þess
sem eftirlit með mengun er mjög af skornum
skammti. Hollendingar segja að bresk stjórnvöld
hafi ekki sýnt fram á með óyggjandi hætti að
úrgangurinn valdi ekki tjóni á fiskistofnum og
Svíar segja að eiturinnihald úrgangsins verði
mun meira en bresk stjórnvöld haldi fram, auk
þess sem hægt hafi verið að urða efnin á landi.
Bretar og írar hafa látið þessi mótmæli sem vind
um eyrun þjóta og talsmaður írsku stjórnarinnar
sagði að ástæðan fyrir því að hún mótmælti los-
uninni ekki væri sú að ákvörðun bresku stjórnar-
innar væri tekin „samkvæmt ráðleggingum sér-
fræðinga".
FILIPPSEYJAR Landbúnaðarráðuneyti Filipps-
eyja hefur hvatt bændur til þess að taka að nýju
upp þann hátt að stunda fiskeldi á hrísgrjónaökr-
um sínum. Eins og flestum er kunnugt eru hrís-
grjón ræktuð undir vatni sem tekur manni í kálfa
og áður fyrr var það útbreiddur siður að rækta fisk
meðfram grjónunum og drýgja með því tekjurnar.
Ráðuneytið hefur hvatt bændur til að endurvekja
þennan sið og heldur því fram að þótt ekki sé gert
ráð fyrir meiri afrakstri en 150 kílóum af fiski á
hektara verði það veruleg búbót fyrir bændur.
BANDARÍKIN Tuttugu fiskeldisfyrirtæki, flest á
austurströnd Bandaríkjanna, hafa kært Norð-
menn fyrir Alþjóða viðskiptaráðinu. Norðmenn
eru bornir þeim sökum að setja á markaö eldislax
og selja hann undir framleiðslukostnaði. Því er
haldið fram að norska ríkisstjórnin niðurgreiði lax-
inn og geri þannig bandarískum fiskeldisfyrirtækj-
um erfitt fyrir. Norðmenn hafa svarað þessu með
auglýsingaherferð fyrir norskan lax sem beinist
að veitingastöðum og stórverslunum í Banda-
ríkjunum. Bjóðast Norðmenn til að taka þátt í
kostnaði þessara fyrirtækja við að auglýsa norsk-
an lax. Norðmenn hafa einnig lýst stuðningi við
almenna auglýsingaherferð sem myndi gagnast
öllum eldislaxi, hvaðan sem hann er. Hugmyndin
er sú að hvert ríki greiði fyrir herferðina í hlutfalli
við markaðshlutdeild sína í Bandaríkjunum. Ljóst
er að Normenn yrðu stærstu greiðendurnir því
þeir hafa 45% hlutdeild í markaðinum fyrir eldis-
lax í Bandaríkjunum. Kanadamenn koma næstir
með 40% hlutdeild. Norðmenn hafa hins vegar
sagt að meðan áðurnefnd kæra sé óafgreidd
treysti þeir sér ekki til að taka þátt í kostnaði við
almennar auglýsingar fyrir eldislax. Þetta hefur
orðið til þess að mörg fiskeldisfyrirtæki, einkum á
vesturströnd Bandaríkjanna, hafa dregið til baka
stuðning sinn við kæruna. Er úrskurðar Alþjóða
viðskiptaráðsins beðið með óþreyju því Ijóst er að
ekkert verður úr auglýsingaherferðinni áh þátt-
töku Norðmanna.
BANDARÍKIN ígulker eru víða veidd og þykja
herramannsmatur. Við strendur Kaliforníu hefur
ásóknin í ígulker verið meiri en góðu hófi gegndi
og því reyndist nauðsynlegt að herða reglur um
veiðarnar. Rætt er um aö auka lágmarksstærð
ígulkerjanna úr 7,5 sentimetrum í þvermál í tæp-
lega 9 sm. Einnig er lagt til að yfir sumartímann
verði einungis leyft að veiða 4 daga í viku og að í
júlíverði algertveiðibann. Þessartillögureru sett-
ar fram í Ijósi þess að veiðar á ígulkerjum drógust
saman um 20% á sóknareiningu milli áranna
1988 og 1989. Stór hluti af ígulkerjunum er fluttur
út til Japans þar sem þau eru eftirsótt. Japanir
veiða sjálfir tæplega helming þeirra ígulkerja sem
seld eru þar í landi en hitt er flutt inn frá Banda-
ríkjunum, Kanada og Suður-Kóreu.