Sjómannablaðið Víkingur - 01.10.1990, Blaðsíða 25
hann sagöi frá eftirlitskerfi meö
björgunarbúnaði og kerfis-
bundinni nýliöafræðslu sem
hann hefur þróað um borö í
sínu skipi. Erindi Hilmars vakti
verðskuldaða athygli og eins
og fram kom hjá honum er
vandalítið að koma á nýliða-
fræðslu og virku eftirliti með
björgunarbúnaði um borð í
skipum.
Magnús H. Ólafsson sjúkra-
þjálfi flutti mjög gott erindi um
vinnuaðstöðu, vinnuumhverfi
og aðbúnað um borð í skipum
og hvernig líkamanum er beitt
og hvernig á að beita honum
við vinnu til þess að forðast slit-
sjúkdóma sem fylgja röngum
vinnubrögðum. Víða erlendis
fara fram rannsóknir á þessum
málaflokki, þar sem ekki ein-
göngu er verið að rannsaka
vinnuumhverfið, vinnuaðstöð-
una og hvernig líkamanum er
beitt, heldur einnig hvaða áhrif
hreyfingar skipsins hafa á af-
köst um borð. í landi eru gerðar
ákveðnar kröfur um vinnuað-
stöðu og vinnuumhverfi en til
sjós er þessu ekki sinnt enn
sem komið er en verður áreið-
anlega í framtíðinni. Nokkur
umræða varð um verkstjórn
um borð og var ekki annað að
heyra en þar þyrfti að verða á
bragarbót.
Á ráðstefnunni var ekki fjall-
að um sjálft skipið og þá stað-
reynd að það er besta öryggis-
tækið. Á næstu ráðstefnu þurf-
um við að leggja meiri áherslu
á þann þátt og fjalla um marg-
háttaðan öryggis- og viðvörun-
arbúnað sem er um borð og
tengist skipinu. Við megum
ekki draga athygli sjómanna
um of frá því til hinna ýmsu
björgunar- og neyðartækja
sem sjómenn að sjálfsögðu
verða að kunna skil á en koma
aldrei í staðinn fyrir skipið.
í heild var ráðstefnan vel
heppnuð. Þó fannst aðstand-
endum hennar að fleiri starf-
andi sjómenn hefðu þurft að
mæta. Spurningin er hvort rétt-
ur tími var valinn eða hvort boð-
un var nógu góð. Nefndin sem
undirbjó ráðstefnuna hefur
komið saman einu sinni til þess
að fara yfir það sem við teljum
að betur mætti fara. Allar
ábendingar þar að lútandi eru
vel þegnar.
Hagstofa fsiands Besta lesning til sjós
Kosningaskýrslur 1874-1987
Hagstofan hefur gefið út allar skýrslur sem gerðar hafa verið
um kosningar til alþingis og sveitarstjórna, forsetakjör og þjóð-
aratkvæðagreiðslur á þessu tímabili. Skýrslurnar eru ljósprent-
aðar í tveimur bindum og eru 1.160 blaðsíður.
Kosningaskýrslur 1874-1987 eru til sölu á Hagstofu íslands,
hjá Bókabúð Lárusar Blöndals, Bókaverslun Sigfúsar Ey-
mundssonar, og Bókabúð Máls og menningar og kosta 3.855 kr.
með söluskatti.