Sjómannablaðið Víkingur - 01.06.1995, Blaðsíða 44
VÍKINGUR
mennsku og öryggi þeirra sem vinna
um borð í skipum. „
Eru sjómenn skyldaðir til að sækja
námskeið hjá Slysavarnaskólanum?
„Það fer að skella á innan skamms
að sjómenn verði skyldaðir til að klára
námskeið til að fá lögskráningu. Það
var ákveðið með lögum um skólann
frá 1991 og þau taka gildi um áramót.
Þaðan í frá verða allir skipstjórnar-
menn að hafa lokið námskeiði til að
hljóta lögskráningu á skipin. Aðrir
sjómenn fá lengri frest en þeir verða
að hafa lokið námskeiðum fyrir lok
ársins 1996.
Það að skylda sé komin á er ekki
nóg. Skólinn hefur starfað í tíu ár og
þeir sjómenn sem komu einu sinni á
námskeið fyrir tíu árum eru náttúru-
lega fyrir löngu orðnir ryðgaðir í
fræðunum. Það er þess vegna skoðun
mín að gera eigi kröfu um endur-
menntun sjómanna, ekki sjaldnar en á
fimm ára fresti. Ef við ætlum að vinna
að auknu öryggi sjómanna þá verður
að gera það með þessum hætti. Eitt
námskeið dugar mönnum ekki fyrir
lífstíð, það er af og frá, því tæki, tækni
og aðferðir eru síbreytilegar frá ári til
árs.“
Eru haldin próf við lok hvers nám-
skeiðs?
„Það eru engin próf, við gerum bara
kröfu um fulla mætingu, öðruvísi fá
menn ekki skírteini, og eins er reynt
að tryggja að menn fylgist með. En
haldi rnenn að þetta sé á léttu nótunum
hjá okkur þá er það mikill misskiln-
ingur. Við höfum, sem betur fer, ekki
lent í því að neita mönnum um skír-
teini.
Margir sjómenn líta svo á að skóli
hljóti að hafa próf og hugsanlega
hefur það orðið til þess að einhverjir
hafa verið ragir við að koma á nám-
skeið. Þeir búast líklega við að þurfa
að lesa þessi ósköp.
Kennslan byggist að stærstum hluta
á fyrirlestrum og verklegum æfingum
þar sem hver og einn stjórnar sinni
eigin getu. Treysti menn sér t.d. ekki í
einhvern hluta æfinganna þá eru þeir
bara látnir fylgjast með.“
Geturðu nefnt mér dœmi um þœr
æfingar sem menn fara í gegnum um
borð í Sæbjörgu ?
„Það eru reykköfunaræfingar,
slökkviæfingar og almennar sjóæfing-
ar. Menn eru látnir fara í sjóinn í flot-
búningum, líka í gúmmíbjörgunarbáta
og þeim síðan hvolft. Hlutverk sjó-
mannanna er svo að reyna að rétta þá
við á nýjan leik.
Við erum einnig með þyrluæfingar
enda eigum við hjá Slysavarnafélag-
inu gott samstarf við Landhelgisgæsl-
una. Hún spilar stóran þátt í nám-
skeiðum okkar, sér í lagi þyrlan
hennar. Þyrlubjörgunaræfingar eru
ekki gerðar öðruvísi en að fá þyrlu á
svæðið.“
Hversu margir hafa lokið námskeiði
í skólanum frá stofiiun hans fyrir tíu
árum ?
„Það eru yfir tíu þúsund manns sem
hafa lokið námskeiði frá upphafi. Að
meðaltali sækja um þúsund sjómenn
námskeið á ári. Við þetta er þó það að
athuga að margir hafa lokið fleiru en
einu námskeiði og dæmi eru um aðila
sem komið hafa oftar en tvisvar eða
þrisvar á námskeið. Við höfum heyrt
það frá sjómönnum sem hingað hafa
komið nokkrum sinnum að þeir séu
alltaf að læra eitthvað nýtt. Þess vegna
vil ég árétta nauðsyn þess að menn láti
ekki lengri tíma en fimm ár líða á
milli námskeiða. Það er algjört há-
mark.
Talið er að það séu um sex jtúsund
og fimm hundruð sjómenn á Islandi.
Það er mín tilfinning að enn séu um
fimmtán hundruð til tvö þúsund sjó-
menn sem ekki hafa komið á nám-
skeið. Úr því þarf að bæta en með til-
komu skyldunámskeiða þarf að bæta
aðstöðu hér og auka mannafla, því
eins og staðan er í dag ráðum við ekki
við að taka við fleiri nemendum.“
Það er þá ekki svo að skóli sem
þessi geti orðið óþarfur, að hann hafi
ekki neitt nýtt fram að fœra og ekki
fleiri nemendum að kenna?
„Detti mönnum það virkilega í hug
að svona skóli geti orðið óþarfur þá
verð ég bara að spyrja hvernig standi á
öllum þessum sjóslysum? Það slasast
að meðaltali tíu sjómenn í hverri
einustu viku, það segir alla söguna. A
44