Sjómannablaðið Víkingur - 01.09.1997, Page 14

Skipstjórar og stýrimenn á farskipum sameinast í eitt félag
Mun skynsamlegar fyrir
okkur að starfa saman
- segir Kristján Sveinsson formaður Skipstjóra- og stýrimannafélags íslands
„Það er búið að vera nokkuð
lengi á döfinni að sameina fé-
lögin og ein 12 ársíðan fyrst
var farið að ræða sameiningu.
Það var þó ekki fyrr en fyrir
tveimur árum sem það komst
skriður á málið. Þá var sam-
þykkt í báðum félögunum að
reyna þetta og af formlegri
sameiningu varð þann 31. maí
síðast liðinn," sagði Kristján
Sveinsson formaður Skip-
stjóra- og stýrimannafélags ís-
lands í samtali við blaðið.
Það þótti tíðindum sæta
þegar tvö gömul og rótgróin
stéttarfélög sjómanna voru
sameinuð í eitt með samein-
ingu Stýrimannafélags íslands
og Skipstjórafélags íslands.
Hartnær 80 ár voru þá liðin frá
stofnun Stýrimannafélagsins og
liðlega 60 ár frá því Skipstjóra-
félagið var stofnað. Kristján
segir einfalda ástæðu liggja að
baki sameiningarinn-
ar:
„Það hefur orðið
svo mikil fækkun í far-
mannastéttinni að það
er mun skynsamlega
fyrir skipstjóra og
stýrimenn að starfa
saman í einu félagi.
Héðan voru gerð út
um 60 kaupskip og
varðskip fyrr á árum
en þau eru ekki nema
um 20 í dag. Auk þess hefur
fækkað í áhöfn. Áður voru flest
skip með þrjá stýrimenn um
borð en núna bara með tvo.
Þessar stéttir eiga mjög margt
sameiginlegt en það er ekkert
sem stíar þeim í sundur. Á öðr-
um Norðurlöndum sameinuð-
ust þessi félög fyrir nokkuð
mörgum árum. Við vorum því
orðnir á eftir tímanum og sam-
einingin var samþykkt með yfir-
gnæfandi meirihluta í báðum
félögunum," sagði Kristján.
Skrifstofa Skipstjórar- og
stýrimannafélagsins er að
Borgartúni 18 þar sem félögin
voru áður með skrifstofur.
Starfsmenn félagsins eru Guð-
laugur Gíslason, sem var fram-
kvæmdastjóri Stýrimannafé-
lagsins og Helga Jakobsdóttir
sem fór fyrir skrifstofu Skip-
stjórafélagsins. Efnt hefur verið
til samkeppni um gerð
merkis fyrir Skipstjóra-
og stýrimannafélagið.
Við sameininguna voru
félagsmenn beggja fé-
laganna samtals 316
talsins. Af þeim eru hins
vegar ekki starfandi
nema 136 skipstjórar og
stýrimenn á kaupskip-
um, ferjum og varðskip-
um, að sögn Kristjáns.
„Hið sameiginlega fé-
lag mun áfram vinna að hags-
munum sinna manna. Kjara-
baráttan tekur engan enda hjá
okkur frekar en öðrum,“ sagði
Kristján Sveinsson formaður.
Hann starfaði lengi sem skip-
stjóri, síðast á björgunarskipinu
Goðanum. ■
Fulltrúar á stofnfundi
HINS NÝJA FÉLAGS
14
Sjómannablaðið Víkingur