Sjómannablaðið Víkingur - 01.02.1999, Blaðsíða 23
Góðglaðir
fiskimenn
mannafélögum, þá hálffertugur maður-
inn. Mörgum finnst svona rímnakveð-
skapur heldur gamaldags ef ekki forn.
„Ég hef alla tíð haft ánægju af bókum.
A þessum tíma var ég á frystitogaranum
Venusi og fyrir hvert úthald bar ég um
borð nokkra tugi bóka og notaði frí-
stundirnar til lestrar. Ég hef nefnilega
aldrei náð þessu vídeoglápi, finnst það
heldur leiðinlegt og óþarft. Ég held að
skipsfélögum mínum hafi fundist ég
klikkaður einsog venjulega þegar ég fór
að hella mér í rímurnar," segir Steindór
og hlær. Hann er sennilega vanur að vera
álitinn öðruvísi.
YRÐI þÁ BARA JAFNBLANKUR
Það hefur alltaf verið sagt um sjó-
mennskuna og ekki síst frystitogarana að
kallarnir geti lítið sinnt félagsstörfum í
landi. Steindór segir það alveg rétt enda
hellti hann sér ekki út í félagsstörfin fyrr
en hann hætti á Venusi.
„Það var ekki kvæðaáhuginn sem fékk
mig til að hætta,“ segir hann. „heldur sú
staðreynd að ég vann mikið og þénustan
var góð. Hins vegar hafði ég lag á að vera
alltaf skítblankur þrátt fyrir það. Ég á-
kvað því að kaupa trillu en það var nokk-
uð sem ég hafði ætlað mér lengi. Ég yrði
þá bara jafnblankur og fyrr en með meiri
tíma fyrir mig og fjölskylduna. Sá sem er
langdvölum á sjó hættir nefnilega að
þekkja börnin sín. Það er verra.“
Formlega gekk Steindór í Kvæða-
mannafélagið Iðunni árið fyrir sjö árum.
(Hringhendar langhendur m.m.)
Djúpt nú halda drengir góðir,
deigir sjaldan eru þeir.
Finna aldrei fiskaslóðir,
fátt mun valda, öðru meir.
Úti á miðum kaldir kallar
keppast við að fanga þorsk.
Golan sniðug glettu brallar,
glottir liðug aldan spotsk.
Aldan káta upp sig reisir
undir bátinn lyfta fer,
með ærslalátum einsog Geysir
er hann státinn leikur sér.
Hart á borðin bæði lemur
bylgjan orðin há við sand.
Þegar norðankaldinn kemur,
kappar forða sér í land.
Best er innvið bryggju'að liggja
bölvuninni linnir þar.
Helst um sinn þeir hyggjast þiggja
hættur minni inni á bar.
Allt með tölu bölið bæta
bægja kvölum illum frá.
Veitir ölið svölun sæta
sannast hölum þessum á.
Steindór Andersen.
Vilja bága bæta hagi
býsna knáir veiðimenn.
Veðurspáin var í lagi;
vert er þá að róa senn.
Umsögn um tónleika Steindórs og Sigur Rósar
Steindór og Sigur Rós konui fram á Stefnumóti Undirtóna sem haldið var á
Gauki á Stöng þann 9. febrúar. Tveinuir dögum síðar birtist gagnrýni Árna Matth-
íassonar < Morgunblaðinu undir heitinu „Þjóðlegt, alþjóðlegt og óþjóðlegt“. Árni
fjallar um frammistöðu hverrar hljómsveitar og skefur ekki utan af því þegar kemur
að Sigur Rósu og Steindóri. „Tónleikar Sigur Rósar eru jafnan merkileg upplifun og
gaman að sjá hverju sveitin verður öflugri með hverjum deginum. Þegar kornið var
fram í þriðja lag, lag með torskildu heiti, gekk allt fullkomlega upp með torkenni-
legu flæði framandlegra menningarstrauma; þjóðlegt, alþjóðlegt og óþjóðlegt í senn.
Hæst reis lagið þegar rímnamaðurinn Steindór Andersen sté á svið og flutd rímu
eftir Sveinbjörn Beinteinsson af yfirvegaðri smekkvísi; hann kont inn í lagið á ná-
kvæmlega réttum stað og fléttaði saman við hljómastrauminn, mótaða bjögun og
arabískar raddir. Þótt næstu lög á eftir hafi verið afbragð hlaut allt að hverfa nánast
í skuggann af frábæru miðlagi tónleikanna."
Sannarlega frábærir dómar það hjá Árna um framgöngu trillukarlsins Steindórs.
Fólk í fréttum
Með þessum dómi og framgöngu þótti ástæða til að hafa spjall við Steindór i
Morgunblaðinu þann 16. febrúar. Þar segir Steindór frá því hvernig samstarf þeirra
félaga kom tii. Það var Eva María hjá Sjónvarpinu sem fékk Steindór til að kenna
söngvara Sigur Rósar eina stemmu. Það varð til þess að Steindór fór með stemmur
í þættinum og Sigur Rós spilaði undir. Eftir þetta varð til samstarf sem enn er í full-
um gangi og á sjálfsagt eftir að blómstra.
STEMMUR í FLUGSKýLI
Seint í febrúarmánuði kom Steindór og Sigur Rós fram á stórtónleikum Gus Gus
í flugskýli 4 á Reykjavíkurflugvelli. Það er nú ekki oft sem Gus Gus félagar koma
fram hérlendis enda hefur hópurinn nóg að gera í útlöndum. Þetta munu hafa ver-
ið magnaðir tónleikar eftir því sem blöð sögðu frá. í urnsögn Dr. Gunna í Fókus má
lesa eftirfarandi: „Lög Sigur Rósar eru einföld og löng með kraftmikilli uppbygg-
ingu og í hápunktinum fer Jónsi léttilega upp á háa C-ið og skrækir og hamast á
fiðluboganum. Þá er gaman. Einnig var gaman að sjá skeggjaða karlinn (innsk.
Steindór) kveða í byrjun.“ Það verður forvitnilegt að sjá hvort íslenskan stemman
fær umsögn úti í hinum stóra heimi því Gus Gus fylgdu hingað til lands fjöldi
blaðamanna frá erlendum músíkblöðum. ■
SjÓMANNABLAÐIÐ VÍKINGUR
23