Sjómannablaðið Víkingur - 01.02.1999, Blaðsíða 33
,/sLi.
urðunum því þar liggja tekjurnar. Stofnarnir
verða að vera í sæmilegu ástandi svo horfur
séu á að þeir skili upp í kostnað við endurnýj-
un. En það er orðin meiri hreyfing í þá átt að
stækka skipin,“ sagði Jónas.
Guðlaugur Jónsson skipstjóri segist óttast
að við séu búnir að missa af lestinni varðandi
umtalsverða endurnýjun. „Þegar verðið á
mjölinu fór að hækka mikið hefði verið gam-
an að vera komnir með ný skip. Verð á mjöli
var mjög gott á síðasta ári. Við þurfum raun-
verulega ekkert betri flota en við höfum ef við
ætlum bara að vera áfram í síld og loðnu og
ekki vinna afurðir til manneldis. Það þarf
ekki að breyta skipum eins og Jóni Kjartans-
syni og Hólmaborg miðað við óbreyttan
rekstur. Það gerast ekki betri skip til loðnu-
og síldveiða. En ef við ætlum að auka gæðin
þarf að endurnýja flotann. Ég vildi vissulega
sjá fleiri skip eins og Óla í Sandgerði. Aflinn
upp úr skipum með kælilestum og góðum
búnaði er allt annar. Ég get nefnt sem dæmi
að þegar við vorum í síldarsmugunni á Elliða
í fýrra kældum við aflann og fengum hann í
hágæðamjöl meðan Höfrungur við hliðina á
okkur, sem var jafn lengi úti eða styttra, fór
með allt sitt í gúanó,“ sagði Guðlaugur.
Of seinir í kolmunnann
Guðlaugur Jónsson drap líka á athyglisvert
atriði þar sem eru kolmunnaveiðar.
„Við þurfum önnur skip til að stunda
kolmunnaveiðar sem nú er mikið talað um.
En þar er sá hængur á að rætt er um að setja
kvóta á þær veiðar áður en langt um líður. Þar
sem við höfum ekki aflað okkur veiðireynslu
á kolmunnann er hætta á að þar séum við
búnir að missa af lestinni. Það má búast við
að lítið komi í okkar hlut. Þegar menn fara að
fjárfesta í skipum sem kosta 800 milljónir og
upp í milljarð en ná kannski ekki aflaverð-
mæti nema upp á þrjú til fjögur hundruð
milljónir er ólíklegt að dæmið gangi upp,“
sagði Guðlaugur.
Björgvin Ólafsson tók undir með Guð-
laugi og sagði að við værum að missa af
mögulegum kvóta á kolmunna og makríl.
Jónas Haraldsson var sömuleiðis þeirrar
skoðunar að það kæmi í bakið á okkur að
hafa ekki aflað okkur veiðireynslu á
kolmunna. En við þær veiðar þyrfti aðra gerð
af skipum með mun meiri vélarorku.
„Menn hafa viljað draga lappirnar varð-
andi kvóta á kolmunnann svo við gætum náð
meiri reynslu áður kvóta verður úthlutað. En
það eru aðrar þjóðir sem hafa veitt kolmunna
árum eða áratugum saman og hafa engan á-
huga á að hanga eftir einni þjóð sem vill nú
fara að skapa sér reynslu. Eðlilega vilja aðrir
bara skipta og hafa meira út úr því sjálfir.
Maður veit ekki hvað gerist en þarna stönd-
um við óneitanlega höllum fæti,“ sagði Jónas
Haraldsson. ■
Texti: Sœmundur Guðvinsson.
Oryggi í fjármálum er mikilvægt til þess að fjölskyldan
geti áhyggjulaus notið lífsins. Greiðsluþjónusta
Sparisjóðanna léttir þér fjármálavafstrið, gluggabréf
heyra sögunni til og þú hefur mun betra yfirlit yfir
fjármálin.jÞú getur valið milli þriggja leiðaí]
Greiðsluþjónustu Sparisjóðanna:
iGreiðsludreifing: Við gerum greiðsluáætlun fyrir árið og
þú borgar jafnar mánaðarlegargreiðslur.
[ StakargreiðsÍur:[Sparisjóðurinn greiðir fasta reikninga,
s.s. hitaveitu-, fjölmiðla- og rafmagnsreikninga.
[ Greiðslujöfnun: Komi til þess að greiðslur einstakra
mánaða séu hærri en inneign þín lánar Sparisjóðurinn
mismunmn.
Greiðslujrjónusta Sparisjóðanna er þægileg og örugg leið
til að ná jafnvægi í fjármálum þínum og heimilisins.
SPARISJÓÐUR VÉLSTJÓRA
SjÓMANNABLAÐIÐ VÍKINGUR
33