Sjómannablaðið Víkingur - 01.09.1999, Síða 22

Utan úr heimi
Phönix sem aldrei varð að
veruleika.
Hraðinn hættulegur
Þegar hraði skipa eykst þá
skapast ýmsar hættur þeirra
sem í nálægð hraðfara skipa
sigla. Stena Lines skipafélagið
á og rekur nokkrar hraðsigldar
ferjur sem ganga um og yfir 40
hnúta og eru í farþega og bíla-
flutningum víða í Evrópu. Ferjur
þessar eru kallaðar High
Speed Superferrys eða HSS.
Eitt þessara skipa Stena Dis-
covery liggur undir grun um að
hafa siglt svo nærri 33 feta
breskum fiskibát með þeim
afleiðingum að hann sökk og
einn skipverji fórst. Þeir sem
björguðust báru því við að
fimm metra há bylgja hafi lent á
bát þeirra skömmu eftir að
HSS Stena Discovery sigldi
framhjá þeim. Fjölskylda þess
sem fórst hyggst fara í mál við
Stena Lines ef niðurstaða
rannsóknar á slysinu mun leiða
í Ijós að bylgja frá ferjunni hafa
grandað bátnum.
Fuótt YFIR HAFK)
Það er ekki bara í farþega-
flutningum sem menn vilja sigla
með miklum hraða. Nú fer
flutningur á gámum yfir Norð-
ur-Atlantshaf á 40 hnúta hraða
að verða að veruleika. Banda-
rískt fyrirtæki sem stendur á
bak við verkefni sem kallast
FastShip International hefur
skrifað undir samning við
National Steel and Shipbuild-
ing Co. um smíði á fjórum
gámaskipum sem taka 1432
TEU og ganga 40 hnúta. Það
eru danskir og breskir aðilar
sem hafa unnið að hönnun
þessarar gerðar skipa og eiga
þeir að skila grunnteikningum í
lok ágústmánaðar. Þetta verk-
efni hefur staðið yfir í 10 ár og
nú hyllir undir árangurinn en
fyrsta skipið verður tilbúið árið
2002 og mun hefja siglingar í
ársbyrjun 2003. Verkefnið hefur
þegar kostað um 20 milljónir
dollara og er áætlað að þegar
upp verði staðið verði kostnað-
urinn orðin um 1,1 milljarður
dollara. Þar inni er kostnaður
við hafnaraðstöðu í Cherbourg
og Philadelphiu en losunar og
lestunartíminn á að vera 6 klst.
Siglingatíminn yfir hafið verður
rétt rúmir 3 sólarhringar og
vara sem fer frá New York til
Parísar á að komast það á
fimm dögum. Segja menn að
þessi flutningsmáti verði sam-
keppnisfær við fraktflutninga
flugvéla. Kannski við verðum
komin með slík skip í notkun
hérlendis um miðja næstu öld!
Olíuskip í vanda
Erfiðleikar blasa við útgerð-
um risaolíuskipa því dagleigur
skipanna hafa lækkað svo mik-
ið aö nú verða útgerðirnar að
velja um hvort þeir láti skip sín
sigla fyrir taxta sem rétt duga til
að borga laun, kost og hluta af
brennsluolíu skipsins eða
leggja þeim. Dagleiga fyrir skip
sem siglir úr Persaflóa til Asíu
eru 4000 dollarar á dag eða
rétt innan við 300.000 íslenskar
á dag.
Harka hlaupin í Strand-
GÆSLUNA
íslenskir farmenn þekkja vel
þegar bandaríska strandgæsl-
an var að koma um borð í skip-
in í bandarískum höfnum til að
skoða hvaða siglingabækur og
kort skipin væru búin og ef ekki
væru til kort af vesturströndinni
um borð þrátt fyrir að skipin
sigldu einungis á austurströnd-
ina þá var gert veður út af því í
einstaka tilfellum. Nú hefur
bandaríska strandgæslan sett
skýrar línur varðandi sjókort
skipa sem sigla á bandarískar
hafnir. Ef sjókortin hafa ekki
verið leiðrétt mun skipið verða
sektað og samkvæmt upp-
lýsingum frá sænska P&l
tryggingafélaginu getur há-
markssekt við því verið 27.500
dollarar sem svarar til sjö daga
leigu fyrir risaolíuskip eða nærri
2 milljónir króna. Nú er betra
að skoða vel kortaskúffurnar. ■
Tölvur seinka skipum
Tölvuvandamál í Suður-Af-
rískum höfnum hefur orsakað
biðtíma í allt að 4 daga fyrir
gámaskip sem kemur til losun-
ar og lestunar. Þegar er búið að
setja upp upp tölvustýrt áætl-
unarkerfi fyrir gáma og gáma-
skip í Durban og verið er að
setja tölvukerfi upp í fleiri höfn-
um en vandamálið er að kerfið
virkar ekki ennþá. Reynt hefur
verið að stefna skipum til ann-
arra hafna af þessum sökum
meðan þetta vandamálaástand
er ríkjandi. Tæknivæðingin get-
ur stundum reynst mönnum
erfið. ■
Tölvuvandamál hefur valdið töfum á gámaskipum í höfnum í Suður-Afríku.
Erfiðleikar eru nú í rekstri risaolíuskipa þar sem dagleigur skipanna hafa lækkað verulega.
22 Sjómannablaðið Víkingur