Náttúrufræðingurinn - 1931, Blaðsíða 4
146
nAttúrufr.
og varð það hans bani. Díana varð mjög sorgbitin yfir dauða
unnusta síns, og með bænum sínum fékk hún því til vegar
komið hjá guðunum, að Orion var fenginn staður á himnin-
um, og á hann þar heimkynni síðan, búinn skreyttum veiði-
klæðum og vopnum, og fylgja honum þar veiðihundar hans
tveir. —
Til eru fleiri útgáfur af sögunni um Orion, eftir rithöf-
unda fornaldarinnar, og segja sumar öðruvísi frá. En eigi
verður sá sögumunur rakinn hér.
Nú vík eg máli mínu til barna og unglinga, sem gaman
hafa af slíkum æfintýrum, og spyr þau, hvort þau treysti sér
til að finna Orion á himninum.
Orion er af mörgum talinn fegursta stjörnumerkið á
himninum, enda er hann skreyttur stórum og björtum stjörn-
um. Má eigi minna vera, en að hver unglingur, sem kominn
er til vits, þekki þetta stjörnumerki, og viti, hvar þess er að
leita meðal stjarnanna.
Myndin af Orion hér á undan, ætti að létta leitina. En
til frekari leiðbeiningar og uppörfunar, ætla eg að taka hér
upp nánari lýsingu af honum, eftir erlendan mann, stjörnu-
fróðan:
,,Það er mið jólanótt. Á himninum í suðurátt sjáum vér
Orion veiðimann í allri sinni dýrð. í hægri hendi hefir hann
kylfu að vopni. Á vinstri handlegg ber hann Ijónsfeld sem
skjöld. Hann er girtur sverðfetli eða belti með þremur glitr-
andi stjömum*, liggur stefnulína þeirra annarsvegar upp á við
í áttina til Aldebarans (augans í Nautinu), en hinsvegar niður
á við til Síríus, konungs stjarnanna, sem kalla mætti sól sóln-
anna. Yið beltið er fest sverð hans, sem einnig er skreytt stjörn-
um. Yfir öxlum hans liggur bjart stjörnutraf yfir himininn; það
er Vetrarbrautin.
Betelgeuze, rauðblikandi stjarna, ljómar á hægri öxl hans,
en á hinni vinstri blikar Bellatrix. Á vinstri fæti hefir hann
bjarta stjörnu, Rigel, að ristarskrauti.
Hátt á himni, í norðaustri frá höfði Orions, eru Himin-
Tvíburarnir. Niður frá þeim Prókyon í Litla-Hundinum, sem er
annar förunautur Orions á veiðiför, en heimkynni hins er þar
á himninum, sem Sirius er. Nálega beint upp af höfði Orions,
hátt á lofti, blikar Kapella (Capella) eða Kauyamannastjaman í
Beltisstjörnur Orions eru neí’ndar „Fjósakonur* ‘ á ís'landi.