Náttúrufræðingurinn - 1931, Blaðsíða 24

166
NÁTTÚRUFR.
stór; 30 cm. eru þau seiði, sem minnst hefir borið að landi hér
norður um höf, en það er sjaldan.
Sköpulag' tunglfisksins er æði furðulegt. Hann hefir verið
nefndur „sundhausinn", af ])ví að hann líkist mest stóru höfði með
uggum á, og kvað geta synt all-hart með skrúfublaðahreyfingum
bakugga og raufarugga („hornanna"), og jafnframt tekið sig á
loft upp úr sjónum, en sporðfaldurinn virðist ekki geta gert mik-
ið gagn, og einkennilegt er það, að mestan hluta stirtluliðanna
í hryggnum vantar, rétt eins og bitið hefði verið aftan af fisk-
inum á unga aldri, og svo reynt að „lappa upp á“ hann með eins-
konar „neyðar-sporði“; en hann er nú svona gerður, án allra slysa,
Tunglfisksseiði, fundin erlendis.
einn af þessum torskildu „náttúruleikum“ (lusus naturæ), eins og:
það var nefnt í gamla daga.
Tunglfiskurinn lifir á ýmsum úthafs- og uppsjávardýrum,
svo sem srhokkfiskum og ála-lirfum, og ]>að var meðfram í mög-
um tunglfiska, sem veiddust í Messinasundi, að ítalskir dýrafræð-
ingar fundu fyrir rúmum 40 árum, mergð af þessum einkenni-
legu skepnum (Leptocephalus brevirostris), er reyndust þeim að
vera tilvonandi álar (Anguilla vulcjaris), sem þó ekki voru gotnir
þar, heldur úti í miðju Atlanzhafi, eins og Johannes Schmidt hefir
nú fyllilega sannað. Það má því segja, að tunglfiskurinn hafi
lagt sinn skerf til visindanna, með ]>ví að færa mönnunum í maga
sér eina af ráðgátum náttúrunnar, og sjálfur er hann hreinasta
ráðgáta, sem náttúrufræðingarnir standa undrandi gagnvart, og
hljóta að spyrja með sjálfum sér: Hvernig í ósköpunum stendur á
því, að fiskurinn skuli vera svona undarlega vaxinn? Hvaða gagn
hefir hann af því, að vera svona halaklipptur. Og hvenær kemur
sá fiskifræðingur, sem gerir sig frægan fyrir það, að hafa svar-
að þessum spurningum, má bæta við.
Fiskseiði, ]>að sem getur um, sendi mér Jón Engilbertsson
trésmiður á Hrauni. Gott væri, ef menn finna svona fáséða fiska,