Náttúrufræðingurinn - 1932, Blaðsíða 13

NÁTTÚRUFR.
107
Darwins fannst þó lítið sönnunargagn í þessu; margir þeirra
héldu því fram, að hér væri að ræða um hrein og bein
jsvik, sumir voru meira að segja svo djarfir, að geta þess til,
að steingervingurinn væri blátt áfram af skriðdýri, en fjaðra-
mótin væru gerð af manna höndum. Þröngsýni eins og þessa
hafa vísindin orðið að berjast við gegnum allar aldir, allt til
vorra tíma. Alltaf hafa sannleiksboðarnir orðið að troða þyrn-
um stráða vegi, til þess að fá árangurinn af lífsstarfi sínu, nýju
sannleikskornin, sem bættust við í þekkingarheildina, til þess
að festa rætur í meðvitund fjöldans og bera þar menningar-
.ávöxt. Öllum, sem lesið hafa mannkynssöguna, mun það kunn-
ugt, hvernig myrkravald miðaldanna ofsótti alla þá, sem gerðu
sér far um að leita sannleikans eða lýsa honum, eins og þeim
fannst hann vera, með öðrum orðum alla þá, sem fengust við
vísindi og listir. Ennþá eimdi eftir af kreddum miðaldanna á
tímum Darwins, ennþá var til nóg af mönnum, sem voru reiðu-
búnir til þess að hreyfa andmælum, gegn hvaða nýjungum,
sem komu fram, ekki sízt ef þær snertu kaunið, erfðakenning-
ar trúmálanna. Það var því við því að búast, að himinn og jörð
~væri sett í uppnám, þegar Darwin fór að prédika um þróun
dýranna, og ekki linnti mótmælunum og andúðinni, þegar kenn-
ingunni fóru að berast fleiri og fleiri sönnunargögn í hendur,
eins og þegar elzti fugl jarðarinnar, eins konar samband á milli
skriðdýra og fugla fannst í jarðlögunum.
Smátt og smátt fór þó að draga úr efanum, og mörgum féll
allur ketill í eld, þegar leifar af öðrum fugli fundust, nálægt
hinum staðnum, árið 1879. Þessar leifar voru miklu greinilegri
■en þær fyrri, og nú var það sannað, með óhrekjandi gögnum,
að fuglar höfðu lifað á þeim tíma miðaldarinnar, sem við nefn-
um júratímabilið, eða um miðbik aldarinnar. Aldrei hafa fund-
izt nema þessir tveir fuglar, eða réttara sagt menjar þeirra;
þann fyrri keypti dýrasafnið í London fyrir fimmtán þúsund
krónur, en þann síðari fékk safnið í Berlín fyrir tuttugu og
fimm þúsund krónur. Verðið var hátt, en þetta voru líka menja-
gripir, sem hvergi eiga sér líka í heiminum; enginn veit reynd-
ar, hvað mikið af leifum þessara fugla jarðlögin hafa að geyma,
en þótt eitthvað af þeim kunni að íinnast seinna, hafa þó þess-
ir tveir gripir alltaf gildi, sem fyrstu liðirnir í röðinni.
En hvernig litu nú þessir fyrstu fuglar jarðarinnar, sem
þekktir eru, út í lifanda lífi, og hvað var það í skapnaði þeirra,
sem sannaði, að það voru fuglar, og í hverju líktust þeir áum