Náttúrufræðingurinn - 1932, Blaðsíða 30

X A T T L'P.UFH.
124
bráin sé boðin og búin til þess að skipa heiðurssessinn, ef hún
fær kost á því. Eða hvar getur fegurra blóm en baldursbrána?
Á hún að gjalda þess, að hún er íslenzk, — og ókeypis -—-, fylg-
ir því nokkuð meiri heiður, að hýsa blóm, af útlendu bergi
brotin? Og hvernig í dauðanum stendur á því, að blómasalar
nota ekki íslenzka orðið blóm, eða blómjurt, heldur orð-
skrímslið „blómstur“ eða „blómsti'andi blóm“? Hættið því, góð-
ir hálsar, vitið íslenzk nöfn á vörum þeim, sem þið kaupið og
seljið, ef þau eru til á annað borð.
Enginn má skilja orð mín svo, að vítavert megi teljast, að
skreyta stofur sínar útlendum blómum, eða blómum af útlendu
bergi brotin, jafnvel þótt kostur sé íslenzkra blóma. íslenzk
náttúra getur ekki mælt sig við blómskrúð suðrænna landa, og
því er það eðlilegt, að landsmenn skreyti garða sína og stofur
suðrænu blómskrúði, enda eru jafnfríðir gestir og mörg erlendu
blómin eru, velkomnir hingað.
En það má veita náttúrunni inn í stofurnar á annan hátt
en með blómum. Dýrafræðingarnir og dýravinirnir þurfa ekki
að fara alls á mis, þeir geta t. d. haft fugla, spendýr, skriðdýr
eða froskdýr í búri, en svo geta þeir einnig komið sér upp sjó-
eða vatnsbúri, þar sem halda má lifandi fiskum, sniglum,
krabbadýrum, og ýmsum öðrum dýrum, sem lifa í sjó og
vötnum.
Eg skal ekki fjölyrða um dýrabúr almennt, en fara aðeins
nokkrum orðum um vatnsbúrið. Aðeins vil eg taka það fram,
að mér finnst ekki eftirbreytnisvert að halda fuglum lifandi í
stofum, því að sú ánægja, sem þeir veita auganu, er of dýru
verði keypt fyrir frelsi hinna frjálsu loftbúa.
Sjóbúr eða vatnsbúr (Aqu-
arium) nefnist kassi með sjó eða
vatni, þar sem dýrum er hald-
ið lifandi, ef til vill árum saman.
Víða erlendis njóta vatnsbúr mik-
illa vinsælda, en hér á landi eru
þau varla þekkt. Á einstöku stöð-
um munu þó vera til glös eða
krukkur, sem einum eða tveim
smáfiskum er haldið lifandi í, en
oft er eg hræddur um, að þessir smáfiskar verði skammlífir,
vegna vankunnáttu þeirra, sem hirða skulu.
T>ar, sem rannsóknir á vatnadýrum og sjódýrum eru hafð-