Náttúrufræðingurinn - 1932, Blaðsíða 30

156
N'ÁTTÚRUFR.
Sjór var svo úfinn, að ekki gaf á bát fram að skerinu, en rostung-
arnir sáust greinilega í kíki (og með berum augum) bæði af heim-
ilisfólki og aðkomumönnum (t. d. Pétri Friðrikssyni í Skjaldar-
bjarnarvík).
Eftir að rostungarnir voru farnir, fundust nokkrir kópar á
skerinu og hjá því — mjög illa útleiknir — malaðir hausarnir
o. s. frv. —
Engar sagnir eru um, að rostungarnir hafi verið hér á Strönd-
um fyrri. Aftur á móti eru all-miklar rnenjar um, að þeir hafi ver-
ið hér fyrir löngu síðan. Benedikt sál. Hermannsson fann t. d. tvo
rostungshausa á svo nefndum Hvítsöndum á Þorláksnesi og seldi
tennurnar. Einn rostungshaus kom upp úr sandinum í Bolunga-
vík í stórbrimi fyrir 10—12 árum, og minnir mig, að eg seldi Helga
gullsmið á ísafirði tannabrotin“.
Vilmunclur Jónsson,
landlæknir.
Rotttígangtír tíí sveíta.
Það þykir heldur en ekki nýlunda, að upp til sveita hér í Ár-
nessýslu, er víða orðið, svo að segja, krökkt af rottum, þar sem
þeirra hefir aldrei áður orðið vart, svo menn viti til.
Sums staðar í sýslunni, eins og t. d. á Skeiðunum, þar sem
þeirra hefir einna mest orðið vart, eru þessar rottur nú orðnar
hreinasta plága. Voru þar t. d. drepnar, á einum bæ, í sumar, um
þrjú hundruð rottur, og sér þar þó ekki högg á vatni.
Eins og geta má nærri, þykir sveitamönnum mikill vágestur
vera kominn, þar sem rotturnar eru, því þær eru, svo sem alkunn-
ugt er, hinir mestu skaðræðis gripir, hvar sem þeirra verður vart.
Reyna menn því jafnan, með öllu hugsanlegu móti, að útrýma þeim
og eyða svo sem mögulegt er. — En það er hægra sagt en gjört,
að útrýma rottunum, þar sem þær á annað borð eru sestar að fyrir
alvöru, því viðkoman er alveg gífurleg, eins og flestum mun kunn-
ugt vera. Má þess vegna ganga að því vísu, að þessar rottur breiðist
nú út um allar nálægar sveitir, því varla munu árnar hamla för
þeirra, eins og sumir virðast gera sér vonir um.
Á hvern hátt, þessi mikli rottusveimur hefir flækst hingað upp
í sveitir, vita menn óglöggt um. Flestir eru þó á þeirri skoðun, að