Náttúrufræðingurinn - 1981, Page 7
um. Er það einkum samtímis ríkjandi
suðaustanvindum á fartíma á haustin.
Haustið 1959 voru suðaustanvindar
ríkjandi (Jónas Jakobsson 1959). Það ár
bar mjög mikið á störum (4. mynd), og
var þessi ganga að öllum líkindum
upphafið á starvarpi í Reykjavik. Öllu
minni ganga kom síðan haustið 1961
(Jónas Jakobsson 1962).
Þeir starar sem hingað villast koma
sennilega oftast upp að austur- eða suð-
urströndinni en starar hafa þó sést um
land allt (5. mynd).
STARAVARP Á ÍSLANDI
Hér á eftir verður rakin varpsaga
starans á íslandi samkvæmt tiltækum
heimildum og eigin athugunum og er
reynt að fylgja timaröð eins og kostur er.
Hraunhrepþur, Mýrum 1912
Einar Friðgeirsson prófastur á Borg á
Mýrum taldi sig finna starahreiður með
4 eggjum við bæinn Hólmakot í
Hraunhreppi, Mýr., sumarið 1912.
Hann sá aldrei fuglana sem áttu hreiðr-
ið en dró þessa ályktun af stærð og lit
eggjanna sem voru ljósblágræn. Þrjú
eggjanna voru send Náttúrugripasafn-
inu í Reykjavik. Bjarni Sæmundsson
(1934) segir menn hafa dregið það í efa,
að jjetta hafi verið staraegg en sjálfur
segist hann ekki vera neinn ,,oolog“
(þ. e. eggjafræðingur) og því litið geta til
málanna lagt. I bók sinni Fuglarnir
(1936: 234) segir Bjarni: „Þess eru jafn-
vel dæmi að þeir hafi verpt hér og ungað
út (á Mýrum, M., og við Húsavík,
S. Þ.)“, og vísar jafnframt til ritgerðar
sinnar frá 1934. Timmermann (1938--
1949) fullyrðir að hér sé ekki um stara-
egg að ræða heldur að öllum líkindum
lóuþrælsegg. Þessu til sönnunar bendir
hann á lögun eggjanna sem voru peru-
laga eins og títt er hjá vaðfuglum og
stærðin reyndist vera nálægt meðal-
stærð lóuþrælseggja. Ég hef skoðað egg-
in og er sammála niðurstöðu Timmer-
manns.
4. mynd. Árlegur fjöldi stara á Kviskerjum í Öræfum á tímabilinu 1942— 1978 (spjaldskrá
N. í.). — Numbers of starlings observed annually in the years 1942— 1978 at Kvísker, SE-Iceland.
149