Náttúrufræðingurinn

Árgangur

Náttúrufræðingurinn - 01.08.1942, Blaðsíða 14

Náttúrufræðingurinn - 01.08.1942, Blaðsíða 14
142 NATTURUFRÆÐINGURINN skotinn sama daginn, og á ég hann nú uppsettan. 20. april sá ég aftur fullorðinn silfurmáf hér á leirunum. 34. Litli svartbakur (Larus fuscus graellsii Brehm). 25. mai 1939 sá ég einn litla svartbak hér á leirunum. 35. Litli hvítmáfur (Larus glaucoides Meyer). Kringum áramótin 1937 og 1938 var hér töluvert mikið af litla hvítmáf. Frá 20.—25. apríl 1938 fjölgaði máfum mikið hér á leirunum, svo að þeir hafa þá áreiðanlega skipt þús- undum, enda var þá dálítil áta hér inni á pollinum. Meðal þessara máfa bar mest á fullorðnum litlu hvítmáfum. 36. Kjói (Stercorarius parasiticus (L.)). Árið 1939 sá ég fyrst kjóa 1. maí. Er það eins og áður, að þeir virðast fylgja kríunni eftir. 37. Haftyrðill (Alla alle alle (L.)). Milli jóla og nýárs 1938 kom norðan stórhriðargarður og hlóðst mikill snjór niður hér norðan lands. Eftir það var hér mikil fannkyngi fram í miðjan febrúar. Á gamlársdag 1938 var mestu hríðinni farið að slota, og sá ég þá að haftyrðlar voru í stórum breiðum á grynningum hér inni á leirunni, enda var þar lygnara en úti á höfninni. Mér datt þá i hug, að nú væri tækifæri til þess að merkja nokkra haftyrðla fyrir Nátt- úrugripasafnið, því að erfitt mun vera að ná þeim til merk- ingar. Ég útbjó mér því háf á langri stöng og óð svo fram á leiru. Sætti ég nú færi, þegar fuglarnir köfuðu og kom háfn- um yfir þá meðan þeir voru í kafi. Þetta verk sóttist samt seint, þar sem frost var allmikið, og fraus því háfurinn fljótt, og varð ég alltaf annað slagið að berja úr honum klakann. Berhentur varð ég að vera, og þar við bættist, að ég varð alltaf að vaða í land með hvern fugl, til þess að merkja hann, því að ekkert var hægt að leggja frá sér nema i landi. En með nógu mikilli þolinmæði tókst mér þó að merkja um 30 haf- tyrðla. Daginn eftír hafði veðrið lægt mikið, og fóru haftyrðlarnir þá burt af leirunni og út á höfnina. Meðan mest var af þeim, en það var á gamlársdag, munu þeir hafa skipt þúsundum hér á höfninni og út á Oddeyrarálnum. Eftir að veðrið fór að batna, fækkaði þeim mjög mikið, þó að talsverður slæð- ingur væri af þeim hér i lengri tíma. Mest lifðu þeir á mar- flóm, og voru nær eingöngu marflær í mögum nokkurra, sem

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.