Samvinnan


Samvinnan - 01.06.1950, Blaðsíða 21

Samvinnan - 01.06.1950, Blaðsíða 21
alls, konar baunum, kartöflum, vín- viði og fleira. Olífuolía er mjög þýð- ingarmikil framleiðslugrein í Mar- okkó. Meðalársframleiðsla er talin vera 10.000 smál. af olífuolíu. Þá er og mjög mikið ræktað af ávöxtum, sérstaklega þó súrum ávöxtum, svo sp~n sítrónum og appelsínum. Landbúnaðarframleiðsla í Marokkó fiefur mætt tveimur aðalvandamálum. Þau eru í fyrsta lagi fastheldni fólksins við forna búskaparhætti og í öðru lagi oft ófullnægjandi og alltaf óregluleg rigningartímabil. Þrátt fyrir áhrif Frakka í landinu, þá lifa enn margir Marokkómenn hinu forna hirðingjalífi víða í land- inu. Reika þeir um með hjarðir sínar og lifa af þeim frá degi til dags án þess að hirða hið allra minnsta um að breyta til og taka upp búskaparhætti vestrænnar menningar, ásamt með efnahags- og framleiðsluskipulagi þeirra. Þó eru þeir nú orðnir langt- um fleiri, sem hafa tekið við fræðslu Frakka og breytt búskaparháttum sín- um. Allt síðan 1921 hefur verið unnið að því að koma á áveitum hér og þar til þess að vinna á móti hinum óreglu- legu rigningartímabilum í landinu. Hefur þetta gengið misjafnlega, en aðallega hefur verið unnið að því að grafa áveituskurði úr ýmsum ám, sem renna úr Atlasfjöllum. Iðnaður og fiskveiðar. Enn er það almennt svo í sveitun- um í Marokkó, að fólk býr mest að sínu og fullnægir velfestum þörfum sínum. í bæjunum er svipmótið orðið allt annað. Þar er sérgreiningin, pen- ingahagskipunin og vélamenningin búin að festa rætur. Fez er t. d. mikil vefnaðarborg, og leðuriðnaðurinn frá Mekés er. frægur um alla Evrópu. Þá er og mikill teppaiðnaður í Marokkó, og þykja teppin þaðan mestu gersemi. Marokkómenn stunda sardínu- og túnfiskaveiðar allmikið, og það er mikil fiskniðursuða í landinu. Þá er og mikið soðið niður af alls konar grænmeti og ávöxtum. Brugg og olífu- framleiðsla er og mjög mikil. Þar er og töluverður tóbaksiðnaður. I gildi eru alþjóðasamningar um jafnréttisaðstöðu til viðskipta í Mar- okkó, en stiórnin tekur 12.5 af hundr- aði í toll af hverri vörutegund, sem flutt er inn í landið. Fólkið. Það eru aðallega tveir þjóðflokkar í Marokkó. Þeir eru hinir svokölluðu Berberar og Arabar. Auk þess er þar töluvert af Gyðingum og Evrópubú- um. Árið 1947 var íbúafjöldi Franska Marokkó 8.617.387. Þar af voru Gyð- ingar 325.000 og Evrópubúar 266.000. Af Evrópubúunum var mest af Frökk- um og Spánverjum. íbúafjöldi Spænsku Marokkó liefur verið áætlaður 795.000 (1936) og Tan- gier 100.000 (1941). Mikil þjóðflokkablöndun hefur átt sér stað meðal íbúa Marokkó. Sérstak- lega hafa Arabar og Berberar bland- azt. Berberar eru fjöhnennastir í land- inu, enda hafa þeir búið þar lengst. Arabíska er hins vegar töluð meira en önnur mál, og er þetta alveg sérstak- lega áberandi síðan Frakkar fengu verndargæzlu Iandsins árið 1912. — Frönsk áhrif hafa ekki orðið veiulega á málið í landinu fyrr en á síðustu ár- um, og þá fyrst og fremstí borgun- um. Bæði Berberar og Arabar eru Mú- hameðstrúarmenn. Þeir búa mest í sveitunum og smærri þorpunum. Gyð- ingarnir búa hins vegar nær því ein- göngu í borgunum, og sama er að segja um Evrópubúana í landinu. Frá Marokkó: Túnfiskaveiði er talsverð. Veiðimennirnir stökkva niður i net'm, er þeim hefur verið lokað um fiskana, og drepa þá með hnif.

x

Samvinnan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samvinnan
https://timarit.is/publication/340

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.