Samvinnan - 01.11.1951, Qupperneq 17
Hlýir vetrarskór með skinnkanti.
flestum gerðum af skóm, sem verk-
smiðjan framleiðir. Á einu borðinu
er raðað kvenskóm, á öðru eru ein-
vörðungu barnaskór, því þriðja sport-
skór og stígvél og á því fjórða eru
karlmannaskór. Fjöldi fólks ýmist
situr eða stendur við vélarnar. Hér
eru ungir og gamlir að verki, konur
og karlar, samtals um 65 manns (þar
af 24 konur), sem vinna við skó-
framleiðsluna hjá Iðunni. Mest af
hráefnunum eru íslenzk skinn, sem
þarna koma í góðar þarfir. Áður en
hægt er að vinna úr þeim skó, hafa
þau farið í gegnum sútunarverk-
smiðjuna, sem er til húsa í sömu
byggingu. Það þarf mörg handtök
með aðstoð hinna fullkomnustu
véla, áður en skinnin eru orðin að
þægilegum götuskóm. Um 700—800
kg. af íslenzkum nautgripahúðum eru
notuð mánaðarlega í skósóla, bæði á
barnaskó og sumar gerðir kven-
skónna. Hinir þykkri leðursólar eru
aftur á móti innfluttir, og hér getur
einnig að líta hina vönduðustu hrá-
gúmísóla og þykka gúmísóla, sem
flestum þykir mjúkt og þægilegt að
hafa undir fæti.
# # *
ÞAÐ, SEM SÉRSTAKLEGA
VEKUR ATHYGLI OKKAR, eru
nokkrar nýjar gerðir af kvengötu-
skóm, sem nú er verið að framleiða í
fyrsta sinn. Skór þessir eru með því
bezta, sem við höfum séð af íslenzkri
iðnframleiðslu. Peir eru breiðir og
þægilegir á fæti, sterklegir en þó létt-
ir, mjög smekklegir og fara vel. Þetta
eru skór, sem áreiðanlega eiga eftir
að vinna hylli kvenþjóðarinnar, því
að flestum konum er svo farið, að
þeim þykir gott að ganga á góðum
götuskóm úti, þótt skór með þynnri
sólum og hærri hælum séu notaðir til
þess að bregða sér í stöku sinnum.
Okkur þykir sú tilhugsun notaleg,
að bér skuli nú vera völ á miklu úr-
vali af góðum útiskóm fyrir vetur-
inn, skóm, sem hægt er að vera í ull-
arsokkum í eða sportsokkum utan
yfir þunnu sokkunum og vera þannig
blýlega og heilsusamlega klæddar,
þegar hríð og frost halda innreið
sína.
Það hefur áður verið minnzt á það
í þessum dálk, að við þyrftum að
eignast íslenzka vetrar-tízku. Nú
höfum við tækifærið, hvað fótabún-
aðinn snertir. Við eigum völ á hinum
prýðilegustu vetrarskóm frá Iðunni,
og hinir smekklegu ullar-sportsokkar
frá fataverksmiðjunni Heklu á Akur-
e^uá, sem einnig er fyrirtæki sam-
vinnumanna, eru sérstaklega hent-
ugir til þess að vera í þeim utan yfir
þunnum sokkum, þegar farið er út í
kulda. Það er fljótlegt að bregða sér
í þá og úr þeim aftur, þegar komið
er í hús. Iðunnar-skór og Heklu-
sokkar eru vetrarbúnaður, sem bver
íslenzk kona getur verið hreykin af.
Það er fótabúnaður, sem okkur mun
líða vel í, þegar kólna tekur. Og það
er einmitt íslenzka ullin og íslenzku
skinnin, sem við eigum að nota miklu
meir en við gerum nú til þess að
klæða af okkur stórhríðar og storma.
* * #
MARGAR AÐRAR GERÐIR af
ágætum skóm er hér einnig að sjá.
Hinir stöðugu og góðu kínahælar eru
á nokkrum nýjum gerðum, þá er ný
gerð af skóm með svonefndum Kali-
forníu-hæl (það er næstum því Kína-
hæll). Þessir skór eru opnir í hæl og
tá og eru fisléttir og þægilegir á fæti.
Við festum augun á svörtum rús-
skinnsskóm. Þeir eru alveg sléttir með
nokkuð þykkum sóla og dálitlum hæl.
Lítil g}dlt slaufa er eina skrautið.
Þetta er hinir smekklegustu skór og
tilvaldir spariskór við dökka kjóla.
!
J
Þetta er hinn svokallaði Kalifomiuhœll.
Skórnir eru fisléttir.
Iðunn framleiðir einnig margar gerðir
af barnaskóm.
Nokkur sýnishorn af skóni með hœrri hœlum
og þykkum sóla.
Skór með kinahœl eru stöðugir og fara vel á
fœti.