Samvinnan - 01.07.1958, Blaðsíða 7

þeirra er allt vaxið fögrum gróðri, þar
rignir tiltölulega oft og fæða manna vex
svo að segja af sjálfu sér. Þeir lifa af
mjöli innsettrjánna, en það eru tré mjög
lík bananatrjám í liinu ytra, en þau bera
ekki ávöxt. Aftur á móti fæst þetta mjöl
úr stofni þeirra og er það ágæt fæða. Þá
vex þarna mikið af kaffi, svo að Sída-
momönnum er engin vorkunn. Derassa
og Gudji búa á milli Sidamo og Boranna.
Þeir eru bændur, herskáir mjög. Allir
nágrannaþjóðflokkarnir óttast Gudji,
þegar þeir eru í vígahug. Boranna er
hirðingjaþjóðflokkur, sem flakkar um
hina víðáttumiklu Borannasléttu með
skepnur sínar. Þeir berjast stöðugt inn-
byrðis um vatnsból og beitilönd. Þeir
eiga beztu veiðilönd Eþíópíu. Þar eru
ljón, hlébarðar, strútar og zebra, apar,
gazellur og antilópur, akurhænur og
sandhænur og fjöldinn allur af öðrum
dýrum, sem veiðimenn hafa gaman af
að eltast við. Fyrir norðvestan þá búa
svo Konsomenn í hrjóstrugum og
skorpnum fjallshlíðum, sem þeir hafa
ræktað af stakri seiglu og atorku frá rót-
um og upp úr. Gato- og Gidole-þjóð-
flokkarnir búa fyrir norðan þá. Þeir eru
friðsamir bændur og fer vel á með þeim
og Konsomönnum.
En til þess að fá sem sannasta mynd
af landi og lýð verðum við nú að beina
athygli okkar norður á við. Fyrir norð-
an Addis Abeba eru söguríkustu fylki
landsins. Þar er Eþíópía fornaldarinnar.
Það er ágætur bílvegur norður, eftir því
sem gengur og gerist á þessum slóðum,
en hann er ótryggur vegna ræningja. Þeir
levnast í hrjóstrugu fjalllendi Tigre, sem
er nyrzta fylki landsins. Þar stöðva þeir
bílana og ræna öllu steini léttara af
ferðamönnum, jafnvel fötunum, sem þeir
eru í. Ekki hika þeir við að hleypa af
skoti, ef einhver kynni að sýna mótþróa.
í Tigre er þéttbýli mikið og er Tigre-
þjóðflokkurinn þar fjölmennastur. Með-
limir hans eru skapmenn miklir, en á-
ræðnir og duglegir. Þeir eru náskvldir
Amhörunum. Einu sinni var Tigre
þungamiðja ríkisins, og aldrei hefur veg-
ur þess verið meiri en þá. Og enn er
þetta fylki háborg koptisku kirkjunnar.
Hér eru borgirnar Axum og Adua. í
Adua sigruðu Eþíópar árið 1896 Þeirri
smán gleymdu ítalir aldrei. Axum er nú
hrörlegur bær og rækilega hefur máðst
yfir spor hinna voldugu fornaldarkon-
unga. Sú var tíðin, að rómverskir keis-
arar töldu það ómaksins vert að eiga
vingott við þjóðhöfðingjann í Axum. T.
d. er til lýsing á hirð hans rituð af Júlíani
nokkrum, sérlegum sendimanni Jústus
keisara. Nú er allt hrörlegt og fátæklegt.
Víða er land hrjóstrugt í Konso, en íbúarnir hafa engu að síður ræktað það af mik-
illi kostgæfni. Þeir byggja stalla í fjallshlíðarnar fyrir akrana.
Skítugir moldarkofar með stráþaki eru
um allt, en á milli þeirra gnæfa rústir
hinnar fornu menningar, obeliskurnar.
Hæsti steinninn, sem enn er uppi stand-
andi, er 23 m. á hæð, en lang hæsti
steinninn hefur verið um 39 m. Hann
liggur nú á jörðinni, brotinn í fimm
hluta.
Þarna er Sionskirkjan. Hún er ólíkt
yngri en steinarnir, sem sennilega eru
reistir löngu fyrir Krists burð. En kirkj-
an er gömul á okkar mælikvarða. Tyrk-
ir brenndu hana á miðöldum, en hún var
fljótlega reist aftur og hefur staðið síð-
an. Þetta er helgidómur koptanna. Eng-
in kona má stíga fæti inn í hana. Þarna
er sagt, að sáttmálsörkin fræga með lög-
málstöflum Móse sé varðveitt. Eþíópar
segja langa sögu af því, hvernig örkin
hafi hafnað þarna, en það fylgir með, að
hún sé ekki til sýnis. Flestir koptar
munu þó trúa sögunni, enda má sjá lík-
an af örkinni í hverri koptiskri kirkju
landsins. — Og þarna var aðsetur kon-
ungsins, er tveir ungir fangar voru færð-
ir til hallarinnar. Þeir höfðu verið á
skipi, sem ræningjar tóku í Rauðahafi.
Engir komust lífs af nema piltarnir tveir.
En þeir voru frá Sýrlandi, vel menntað-
ir og kristnir. Þeir urðu boðberar Krists
í Axum. Annar þeirra sneri aldrei aftur,
en varð síðar fyrsti biskup Eþíópíu. En
hvar er nú Axum, þín fornaldarfrægð?
ÞÚ, sem eitt sinn hýstir konunga, hefur
nú ekki húsaskjól fyrir vegmóða ferða-
menn.
A milli Tigre og Shoa, en svo nefnist
fylkið umhverfis Addis Abeba, liggur
Wollo. Þar rekst ferðamaðurinn á und-
arlegustu mótsetningar þessa dularfulla
(Framh. á bls. 18)
Konsó-kona ber heim eldivið.
Konur af þjóðflokki Bórana.
SRMVINNAN 7