Samvinnan - 01.12.1960, Blaðsíða 40

Rabbað við yngsta ... .
Tryggiö
framtíð barnanna
líftryggiö
-Ff
Andvaka
Framh. a£ bls. 29.
húsi, til að taka við öllum sláturfjár-
afurðum félagsmanna sinna á hausti
hverju. Þetta frystihús yrði hvergi bet-
ur staðsett en á Búðardal, enda er
Kaupfélag Hvammsfjarðar stærst fé-
laganna þriggja og kjötframleiðsla
mest á félagssvæði þess. Mjólkurfram-
leiðsla hefur fram að þessu ekki verið
mikil hér í sveitum, enda lítill mögu-
leiki á að koma mjólkinni á markað,
nema um hásumarið, þó er töluvert
magn flutt til vinnslu í Mjólkursam-
sölunni í Borgarnesi. En nú er það
eitt mesta áhugamál manna vestur hér
að koma á fót fullkominni mjólkur-
vinnslustöð í Búðardal. Er þegar haf-
in undirbúningur að þeim fram-
kvæmdum. Komist þessi fyrirætlun í
framkvæmd, sem vart er að efa, er
þess að vænta, að nautgriparækt og
mjólkurframleiðsla stóraukist í Dölum
vestur.
Um kvöldið er numið staðar í Búð-
ardal. Þorpið er lítið, íbúar um eða
yfir eitt hundrað. Um nóttina gisti ég
hjá Steinþóri. Hann býr með móður
sinni, sem gegnir ráðskonustörfum fyr-
ir hann, því enn er hann ókvæntur.
Herma óstaðfestar fregnir að bændur
þeir á félagssvæðinu sem búa svo vel
að eiga gjafvaxta dætur, hyggi þar
gott til glóðarinnar.
Næsta dag sýnir Steinþór mér hið
nýja og myndarlega verzlunarhús kaup-
félagsins, er tekið var til noktunar 9.
maí síðastliðið ár, og fræðir mig um
hitt og þetta varðandi starfsemi kaup-
félagsins. Það rekur sölubúð, frystihús,
bílaverkstæði, skipaafgreiðslu og slátur-
hús.
— Hve víðtækt er félagssvæðið hjá
ykkur? spyr ég kaupfélagsstjórann.
— Það nær yfir sex hreppa, Hörðu-
dals- Miðdala- Haukadals- Laxárdals-
Hvamms- og Fellsstrandarhrepp. Þar
að auki eru mikil viðskipti við Skóg-
arströndina. Félagsmenn eru um 220.
— Þið rekið enga útgerð hérna, er
það?
— Nei, slíkt og þvílíkt er óþekkt hér.
Þess í stað helgum við landbúnaðin-
um krafta okkar. Raunar er þó fiskað
hérna, að vísu ekki í sjó, því „fiskar
vaka hér í öllum ám“, eins og skáldið
kvað. Þær eru aðallega leigðar reyk-
40 SAMVINNAN
!