Samvinnan - 01.12.1968, Blaðsíða 61

Jóladagatal og póstpoki, sem auðvelt er að búa til á
einu kvöldi.
Sníðið hessianstriga 38x56 sm og kantið með rauðu skábandi. Búið
til þrjár lykkjur i annan endann. Teiknið bréfsnið af jólasveini, poka,
jólatré og stjörnu og leggið það á strigann til að athuga stærð og hlut-
föll. Merkið fyrir dagatalinu 5 sm frá hliðarbrún og 8 sm frá efri brún.
Lengd milli gatanna er 24 sm. Klippið götin 5 sm breið og saumið með
kappmelluspori eða kantið með skábandi. Klippið millimetramálið af
málbandi og festið það á skáband 50 sm langt eða á rauðan borða. Fyrir
neðan málbandið er saumað kerti úr hvítu bendlabandi og loginn úr
gulu efni eða filti. Leggið bréfsniðin á mislitt efni eða filt og sníðið án
saumfara, nema þar sem skegg, andlit, hár og húfa mætast. Saumið
eða límið efnið síðan á strigann, fyrst blússuna, skeggið, andlitið, hárið,
húfuna, póstpokann og hendurnar. Jólatréð er fest á sama hátt. Hengið
teppið upp á mjóa stöng með rauðri silkisnúru.
Jólaórói.
í jólaóróanum eru hafðar 6 jafnlangar stengur t. d. bambusstengur
eða mjóir viðarlistar sem þá eru málaðir grænir, listarnir eru hafðir
30 sm langir. Búið til grind úr listunum, tvo þríhyrninga, sem síðan
eru festir saman. Hnýtið sex jafnlöng bönd í grindina, þræðið þau siðan
gegnum stóra perlu eða hólk og festið grindina í loft, dyr eða glugga.
Jólasveinar: Teiknið þrjá hálfhringi á rauðan pappír eða málið teikni-
pappír rauðan. Hæfileg stærð er ef þvermál hringsins er 18 sm. Búið
til hvítt skegg úr pappír eða bómull. Límið einnig hendur og málið augu
dökkblá. Húfukanturinn er búinn til úr pípuhreinsara, sem er 10 sm
langur, eða úr bómull.
Stjörnur: Klippið gylltar stjörnur og límið saman tvær og tvær
þannig að þær séu eins báðum megin.
Jólatré: Teiknið sex þríhyrninga á grænan pappír, hæðin er 9 sm
en breiddin 7 sm. Brjótið hvern þríhyrning eins og þegar búin er til
píla (sjá mynd). Málið mynstur á þríhyrningana og límið tvo og tvo
saman.
'Festið að síðustu jólasveinana, tré og stjörnur í þræði, sem hnýttir
eru við samskeytin á grindinni.
Eplaterta.
200 g hveiti
200 g smjör eöa smjörlíki
11á—2 dl vel súr mjólk
Smjörið eða smjörlíkið á að vera fremur lint. Sáldið hveitið, hrærið
súru mjólkinni fljótt saman við og hnoðið. Fletjið deigið út í ferkantaða
köku sem er þykkri í miðjunni og leggið smjörið á miðja kökuna, brjótið
deigið yfir og fletjið út. Endurtakið tvisvar til þrisvar eða þar til smjörið
hefur samlagazt deiginu. Látið bíða á köldum stað minnst Vz klst.
Fletjið deigið út % sm þykkt og mótið í kringlóttar kökur sem eru
30 - 26 - 22 - 16 - 10 sm í þvermál (bezt er að búa til smjörpappírssnið
til að móta eftir). Penslið kökurnar með eggi, stróið á þær sykri, pikkið og
bakið við um 225° í 10—15 mín. Leggið botnana saman með epla- eða
sveskjumauki og rjóma (6 dl rjómi og vanilla eftir bragði). Ath. að vera
á köldum stað við að búa til deigið og látið það á kalda ósmurða plötu.
Hafið málin rúm því að kökurnar minnka við baksturinn.
Brauðlengjur með einni eða fleiri áleggstegundum.
Smurt brauð á auknum vinsældum að fagna og flestir munu því
sammála að það má ekki vanta á kaffiborðið, hvort sem er daglega eða
við betri tækifæri. Aðalatriðið er að smyrja brauðið á sem fljótlegastan
og handhægastan hátt.
Skerið brauðið í lengjur eftir endilöngu, smyrjið og leggiö á fat t. d.
tvær lengjur eftir endilöngu fatinu. Einnig má skera lengjurnar í bita
og raða sem heilu á fatið.
Leggið eina til tvær áleggstegundir sem vel eiga saman á brauð-
lengjurnar t. d. salatblöð, uppvafinn reyktan lax, síld eða silung öðrum
megin ásamt sítrónusneiðum, en egg og þunnar lauksneiðar, gúrku eða
tómatsneiðar hinum megin. Ýmiss konar kjötáleggi og salötum er auð-
velt að koma fyrir svo vel fari t. d. reyktu hangikjöti, tungu eða reyktu
svínakjöti (skinku) ásamt ítölsku salati og spergli.
61