Samvinnan - 01.02.1971, Blaðsíða 34
Auk alls þessa niðurrifs þarf svo að
byggj a 16 gatnamót á tveimur hæðum og
reyndar fjórum betur, ef með eru talin
þau, sem sýnd eru á skipulagskorti, er
Morgunblaðið gumar af í kosningablaði
24. 5. 1970.
Til þess að kóróna þetta skipulags-
skrímsli er svo dregið göngugatnakerfi af
hreinu handahófi um mestallt borgar-
landið með 54 undirgöng undir umferðar-
mestu göturnar í stíl við Miklubrautar-
mígildið.
Er ekki mál að linni?
Við segjum nei við niðurrifi húsa, við
segjum nei við byggingu gatnamóta á
mörgum hæðum, við segjum nei við órök-
studdri breikkun gatna.
Núna, ef nokkru sinni, hafa reykvisk
borgaryfirvöld tök á að gera borg fyrir
fólk en ekki einkabíla.
Lausnin er Borgarbyggð, sem geri
notkun einkabifreiðar óþarfa innan þétt-
byggðar. í staðinn komi strætisvagnar,
sem séu fljótari yfirferðar en einkabíll-
inn, þægilegri í notkun og yrðu ódýrari
fyrir samfélagið.
Eru nokkur tök á slíku? Er þetta ekki
eitthvert rugl? Á fyrstu 9 mánuðum sl. árs
var kominn 26 millj. kr. halli á SVR (skv.
blaðafrétt í október 1970). Hvernig er
unnt að ætlast til að bætt sé við leiðum,
ferðum fjölgað og hvaðeina? Hvar á að
taka fjármuni til slíkra endurbóta???
Þannig spyrja þeir hinir sömu, sem
aldrei draga í efa fjárveitingar til gatna-
breikkunar. Aldrei spyrja þeir hvar taka
eigi fjármuni til þess að byggja 20 tveggja
hæða gatnamót og a. m. k. 54 undirganga,
né til þess að flytja Skúlagötu langt út
á sjó. Er reiknaður út halli þjóðfélagsins
vegna tapaðra mannslífa i umferðinni
eða enn frekar vegna þeirra, sem verða
öryrkjar af völdum umferðarslysa? Hver
reiknar út óbætanlegan skaða af völdum
eitraðs andrúmslofts og hávaða?
Umferðarmálin verður að leysa af
framsýni og með tilliti til allra þátta
borgarmenningar. Þess er ekki lengur
kostur að skipuleggja borg, þar sem gagn-
rýnislaust er gefizt upp frammi fyrir sér-
kröfum einkabílsins.
Þörf er á hugarfarsbreytingu í okkar
„lýðfrjálsa“ landi.
„. . . . Ef fólki er ekki gefið tækifæri til
að skilja og taka þátt í uppbyggingu og
skipulagi hvers staðar, atvinnuveganna
og landsins alls, er varla að búast við
öðru en að áætlanir eða skipulag — borg-
ir jafnt sem bæir — verði annað en
draumur peningamanna og sérfræðinga,
jafnt innlendra sem erlendra." (Leturbr.
okkar).
Gestur Ólafsson, arkítekt, skipulags-
fræðingur F.A.Í., Mbl. 22. 12. 1968
AF HVERJU EKKI EINKABÍLINN?
— Hann drepur of marga og ger-
ir enn fleiri að öryrkjum.
— Hann mengar umhverfi okkar
beint eða óbeint, með útblásturs-
eitri, hávaða og algjörri hertöku
borga og bæja.
— Hann útilokar ýmsa þjóðfé-
lagshópa frá eðlilegum sam-
göngum — gamalmenni, öryrkja,
fólk með áfengisvandamál o. s.
frv. Þetta verður æ augljósara
eftir því sem aimenningsfarar-
tækin neyðast til að draga sam-
an þjónustu sína vegna þverr-
andi farþegafjölda.
— Miðað við aðrar hugsanlegar
lausnir á samgönguvandamálun-
um er hann þjóðhagslega séð
mjög óæskilegur. Þessu má
leyna þegnana vegna þess, að
aldrei hefur þurft að gera grein
fyrir heildarkostnaði bílismans.
„Hráolíunni má á míkróbíólógískan
hátt umbreyta í EGGJAHVÍTU:
í dag er olíunni breytt i mengun,
samtímis því að vanþróuðu löndin,
sem framleiða mestan hluta henn-
ar, líða af óhugnanlegum skorti
egg.' ahvituef na.“
Bildaktivisterna, Stokkhólmi
„í persónulegu lífi hvers einstakl-
ings getur eftirsóknin eftir að aka
í eigin bíl með fjölskyldu sinni
(kannski til litla einbýlishússins
síns í úthverfinu) ekki komizt hjá
að setja ákveðið svipmót á
menninguna og grafa undan til-
finningum sem þroska samkennd
fjöldans.11
„í umferðinni breytast hinir bíl-
lausu í nýja tegund utanveltu-
stéttar — umferðaröreiga — sem
nær ekki eingöngu yfir gamal-
menni, veika, efnalitla, húsmæð-
ur, börn og aðra fótgangendur,
heldur líka hjólreiðafólk.“
ORD och BILD nr. 1, 1970
Vinnurými fyrir skrifstofumann: 3 m2
Fyrir bílinn hans þarf: 23 m2
50 standandi manneskjur þurfa: 9 m2
50 standandi bílar þurfa: 1.161 m2
„Verkfræðingarnir, sem teiknuðu
hina nýju gerð, tóku í störfum sin-
um tillit til þeirra krafna, sem
gerðar eru til nútíma fólksbifreiðar.
Og þvi byrjuðu þeir á þvi að breyta
hinu ytra útliti bifreiðarinnar. Nýja
gerðin varð því glæsileg og snarp-
leg. Og nú er Volga orðin sex
manna bifreið."
„Aksturshæfileikar nýja bílsins eru
meiri og betri en áður var. VOLGA
ER ORÐIN VIÐBRAGÐSFL J ÓT-
ARI: Hún kemst upp í hundrað
kílómetra hraða á 22 sekúndum."
Þjóðviljinn 6. 10. 70.
„í siðustu árgerð af Moskvitsj hefur |
slikur fítonskraftur tekið sér ból-
festu í bílnum að undrum sætir. Er
bíllinn nú með 80 hestafla vél og
fjögurra hraðastiga alsamhæfðan .
girkassa, OG ÞARF AFLHEMLA TIL
ÞESS AÐ HALDA AFTUR AF HON-
UM“ ....
BÍLABLAÐ Þjóðviljans 20. 9. 70
„RAUÐI MAÐURINN SEGIR: BÍDDU!
Umferðarskólinn er bréfaskóli, sem
miðar að því að tryggja og vernda yngstu
borgarana okkar gegn óhöppum í um-
ferðinni."
.... „Lögreglan og Umferðarnefnd
Reykjavíkur hafa efnt til þessarar
fræðslu í samvinnu við Fræðsluskrifstofu
Reykjavikurborgar, og á hvert barn kost
á því að mæta tvisvar, klukkustund i
hvert skipti. Þau fá blöð til að lita og
gera umferðarmerki á. Síðan fá börnin,
sem gera allt rétt, stjörnu i viðurkenn-
ingarskyni frá lögreglunni.“ ....
Mbl. 25. 6. 70.
„SVR hefur þrjá skúra til afnota sem
verkstæði, og er viðgerðarrúm þeirra
mjög takmarkað, þannig að vandræði
mikil steðja að. Þá er eins og kunnugt
er mikill varahlutaskortur hjá SVR . . . .“
Tíminn 6. 10. 70
„Að vísu heyrist stundum haldið fram ♦
þeim einkennilegu kenningum, að bif-
reiðar séu lúxusvarningur hér á landi,
þótt þær séu aðal samgöngutækið, en
hætt er við, að þeir séu stöðugt færri, 4
sem taka undir slik sjónarmið. Þvert á
móti ber að leitast við að gera sem allra
flestum kleift að eiga sína bifreið bæði til
þæginda og ánægju.“
LeiSari Mbl. 22. 11. 70
„Daglegur rekstur fjölskyldubílsins
skiptir orðið miklu. Þess vegna bendum
við á, að við bjóðum upp á þjónustu á
eigin verkstæði og góðan varahlutalager,
ef á þarf að halda. Bíllinn eykur því að-
eins ánægjuna, að honum sé haldið við á
réttum tíma og með réttum varastykkj-
um.“ Auglýsing bílinnflytjandans í Mbl.
„Mér verður hugsaS til misréttisins í þjóSféiaginu.
Hvers vegna skal alltaf þeim, sem þegar eru illa settir, vera ýtt til hliðar?
Fleiri og fleiri bílar útatast og verða að nema staðar við vegkantinn, meðan við hin þjótum fram hjá.
Æ fleirum er vísað út úr þjóðfélaginu. Og þeim fjölgar með hverju árinu sem líður. Samfélagið tekur utanveltufólkið
að sér og hjálpar því, hjúkrar eða refsar, allt eftir stigi og eðli utanveltunnar.
En mjög lítið er gert til að koma í veg fyrir hana í tæka tíð.“
30