Samvinnan - 01.12.1971, Blaðsíða 11

orður í garð málfræðispeking-
anna sumra, sem þuldu sínar
kenningar í 4. heftinu. Vil ég
þar engu við bæta.
Það er 5. heftið, sem liggur
fyrir framan mig á borðinu,
sem ég ætla að minnast á.
Þetta hefti er, eða segist vera,
helgað konunni. Mætti því
ætla, að hér væri hugljúft efni
á boðstólum, þar sem „Fóstur-
landsins freyja“ á að sitja í
stafni. Ung kona, Hildur Há-
konardóttir, ríður þar á vaðið
með grein, sem hún nefnir
Hornsteinar og höfuðpaurar.
Þar er margt raunar skynsam-
lega og vel mælt og rétt at-
hugað. En orðin eru fjarlæg,
líkt og viðmælandi á förnum
vegi talaði út í loftið, svo sam-
ferðamaðurinn næmi aðeins
annað hvert orð. Framsetning
konunnar er með köldum verk-
smiðju- eða tæknibrag, og sam-
þýðist ekki smekk lesandans,
að minnsta kosti of fárra, ég
hygg aðeins þeirra, sem eru á
sömu hugmyndalínu og höf-
undurinn. Hún setur karl-
manninn, að mér virðist, jafn-
an fram sem andstæðing, sem
sitji yfir hlut konunnar. Það
er þó ekki meira en hálfur
sannleikur. Konur hafa vitan-
lega orðið að sækja rétt sinn í
hendur karlmanna. En lang-
oftast hafa kröfur þeirra átt
meirihlutafylgi á Alþingi að
fagna. Ég hygg að árekstrar í
hjónabandi og hjúskaparslit
hafi mjög sjaldan stafað af
deilum um réttindi kvenna eða
mismunandi sjónarmiðum í
þeim efnum, heldur af einka-
ástæðum, máske skapferlis-
göllum beggja, sem stundum
eru einstaklingsbundnir, og
verða þeir mannlegu ágallar
seint læknaðir að fullu. En ég
hygg að fleiri dæmi séu þess
að eiginmenn hafi látið óátalið
þótt konan hafi tekið þátt í
þjóðmálum. Og margir þeirra
stutt að slíku. En löngun
kvenna til þjóðmálaafskipta
hefur yfirleitt verið mjög lítil
og erfitt að fá þær til virkrar
þátttöku í þjóðmálum, þótt all-
miklar undantekningar séu hér
frá. Reynist það þá oft hér, að
þýðingarlaust er að deila um
smekkinn.
Bjarni Ólafsson skrifar í
þetta hefti skilmerkilega grein
um Rauðsokkahreyfinguna. Sú
grein er að mestu laus við ann-
marka í framsetningu. Býst ég
við að ýmsir öðlist þarna
skárri viðhorf til Rauðsokka-
kvennanna að loknum lestri en
áður. Ég hygg að hér sé eigi
neinn byltingarboðskapur á
ferðinni, heldur venjulegur á-
róður, að vísu nokkuð fálm-
LEITIÐ UPPLÝSINGA
LANDSSMIÐJAN
SÍMI 20680
DEXION
Bezta fáanlega efnið í hilluinnréttingar í geymslur,
vörulagera, vinnuborð, færibönd, vagna
o. fl. o. fl.
n