Samvinnan - 01.06.1972, Blaðsíða 61

Spilakex
Hrærið góðost og smjör saman í jöfnum hlutföllum. Bragðbætið með
söxuðum graslauk og piparrót. Smyrjið í þykkt lag á aflangar kex-
kökur og skreytið með útskornum spönskum pipar í hjarta, spaða,
tígul og lauf.
Samlokur meS áleggssmjöri
50—60 g smjör
4 sneiðar léttreykt svínakjöt (skinka)
1 tsk rijinn laukur eða lauksalt
1 msk tómatmauk (tómatsósa)
nokkrir dropar worchestersósa
Skerið kjötið í smáa bita og hrærið þeim saman við smjörið ásamt
lauk, tómatsósu og kryddi. Látið bíða í 2—3 klst. Smyrjið kexið og
leggið kökurnar saman tvær og tvær með salatblaði og áleggssmjörinu.
Samlokur með kjötl
Hrærið smjör með sinnepi eða piparrót og smyrjið því á þunnar skinku-
eða hamborgarhryggssneiðar, sem lagðar eru tvær og tvær saman með
salatblaði og hafðar sem álegg í kexsamlokur.
Heitt kex með tómötum og osti
Leggið tómatsneiðar og olívusneiðar á tekexkökur, stráið rifnum osti
og papriku yfir og bakið við um 250 gráðu hita þar til osturinn er
bráðnaður (olívunum má sleppa ef vill).
Heitt kex með síld eða sardínum
Smyrjið tekexkökur. Hrærið saman harðsoðín söxuð egg, kryddsíld og
saxaðan lauk. í staðinn fyrir síld er ágætt að hafa sardínur. Smyrjið
kexið með maukinu og látið eina' tsk af tómatmauki (tómatsósu) í
miðjuna. Stráið rifnum osti yfir og bakið við 250 gráðu hita í 8—10 mín.
eða þar til osturinn er hæfilega bakaður.
Heit brauðkaka
Búið til jafning úr sveppum, muslingum, humar, rækjum eða kjöti og
hellið í smurt eldfast mót. Leggið tekexkökur ofan á jafninginn og
stráið rifnum osti yfir. Bakið við 250 gráðu hita þar til osturinn er
hæfilega bakaður. Borið fram með hráu grænmetissalati.
Brauðterta
Hrærið saman 50—100 g af smjöri og saxaðri kryddsild, ansjósum eða
sardínum. Bragðbætið með rifnum lauk eða lauksalati. Saxið 4 sneiðar
af skinku um 75 g og hrærið með olíusósu eða kryddsmjöri. Leggið sex
litlar brauðsneiðar eða tekexkökur á fat og smyrjið síldarsmjörinu yfir.
Raðið jafnmörgum brauðsneiðum eða kexkökum yfir og smyrjið með
kjötsmjörinu. Leggið síðan þriðja lagið af brauði eða kexi og smyrjið
þykkt með hrærðri lifrarkæfu. Skreytið með olívum eða agúrkum og
steinselju eða saltablöðum. Tertan á að bíða í loftþéttum umbúðum á
köldum stað í 1—2 klst áður en hún er borin fram.
FLJÓTLEGIR RÉTTIR í ELDFÖSTU MÓTI
Síldarbakstur
8 meðalstórar soðnar kartöflur
4—5 reykt sildarflök
1 dl saxað dill, steinselja eða graslaukur
3 egg
3 dl mjólk
salt og pipar
Skerið kartöflurnar í sneiðar og raðið þeim í lög ásamt síldinni í smurt
eldfast mót. Stráið grænu yfir og þeytið síðan egg, mjólk og krydd
saman. Hellið því yfir og bakið við 200 gráðu hita í um 25 mín eða
þar til eggin eru hlaupin. Berið fram nýbakað, t. d. með rúgbrauði
og smjöri.
Pylsubakstur
8 vínarpylsur
8 sneiðar reykt flesk
hrœrðar kartöflur (kartöflumús)
1 dl rifinn ostur
Búið til venjulegar hrærðar kartöflur eða notið afgang. Hrærið vel
með eggi og múskati og látið í smurt eldfast mót. Stráið rifnum ostl
yfir. Vefjið fleskræmum um pylsurnar og þrýstið þeim niður í kart-
öflurnar í fatinu. Bakið við um 225 gráðu hita í um 20 mínútur eða
þar til kartöflurnar eru hæfilega gulbrúnar og pylsurnar steiktar.
Fljótlegra er að glóðarsteikja réttinn, en þá þarf að hita kartöflurnar
vel áður en þær eru látnar í mótið.
61