Samvinnan - 01.02.1981, Blaðsíða 12
Erlendur Einarsson
svarar spumingum
Samvinnunnar
Verðlagsyfirvöld hafa ekki tekið neitt tillit
til hávaxtanna, og ekki hefur verið
leyfilegt að færa upp vörubirgðir á móti
verðbólgunni.
Verzlun í dreifbýli hefur varla
nokkum rekstrargrundvöll
Búið er að aðlaga
marga þýðingarmikla
efnahagsþætti
verðbólgunni, og niður-
staðan er því sjálfvirk
verðbólguvél
• Nýtt sölufélag í Bretlandi
Þú vildir kannski í upphafi segja
frá því sem markverðast gerðist innan
samvinnuhreyfingarinnar hér á landi
á árinu 1980?
Ef nefna ætti nokkur atriði, sem
markverðust gætu talist i samvinnu-
starfinu á sl. ári, þá kemur mér helst
til hugar eftirfarandi:
□ Stofnað var nýtt sölufélag i Bret-
landi á árinu, Iceland Seafood Ltd.,
sem er eign Sambandsins og frysti-
húsa, er selja afurðir sínar fyrir milli-
göngu Sjávarafurðadeildar. 60 ára af-
mælis Bretlandsskrifstofu Sambands-
ins var minnst á sl. ári og segja má, að
vel hafi farið á því, að á þessum tíma-
mótum var stofnað nýtt sölufélag ís-
lensku samvinnuhreyfingarinnar þar
í landi.
□ Það verður að teljast markvert að
Iceland Seafood Corporation skyldi
takast að auka sölu sína á Banda-
ríkjamarkaði á árinu 1980, bæði hvað
magn og verðmæti snertir, á sama
tíma og verulegur samdráttur var þar
i neyslu fiskafurða.
□ Pyrirheit borgaryfirvalda um lóð i
miðborginni fyrir höfuðstöðvar Sam-
bandsins er vissulega merkur áfangi.
Gert er ráð fyrir að formleg lóðarút-
hlutun fari fram fyrir lok febrúar í ár.
□ Ný stórverslun Kaupfélags Hafn-
firðinga er tók til starfa sl. sumar er
merkur áfangi í samvinnuversluninni.
□ Hvað varðar félagsmálin, þá reynd-
ist unnt að hrinda i framkvæmd hug-
mynd er ég varpaði fram á aðalfundi
Sambandsins fyrir nokkrum árum að
kaupfélög og Sambandið skyldu gang-
ast fyrir sérstökum fundum á ákveðn-
um svæðum. Á slíkum fundum gætu
farið fram opinskáar umræður um
malefni Sambandsins og kaupfélag-
anna. Fyrsti svæðafundurinn var
haldinn í Borgarnesi 2. september
1980. Fundur þessi þótti takast nokk-
uð vel og er ákveðið að halda næsta
svæðafund á Suðurlandi i vor.
□ Nýtt hús Osta- og smjörsölunnar
var formlega tekið i notkun 17. apríl
1980. Þetta hús er merkur áfangi i
samvinnustarfinu. Þarna skapast hin
ákjósanlegasta aðstaða til þess að
markaðssetja vinnsluvörur mjólkur-
búanna. Húsnæðið verður einnig not-
að til vörukynninga á þróun og fram-
leiðslu á nýjum mjólkurvörum.
□ Á vegum kaupfélaganna voru marg-
víslegar framkvæmdir í gangi á sl. ári.
Þar gerðist ýmislegt markvert sem
ekki verður tíundað hér.
• Samvinnufélög árið 2000
Og hvað vakti mesta athygli þína á
vettvangi norræns og alþjóðlegs sam-
starfs samvinnumanna á siðasta ári?
Á vettvangi alþjóða samvinnustarfs
verður 27. þing Alþjóða samvinnu-
sambandsins minnisstætt. Þingið var
haldið i Moskvu og þrátt fyrir kalda
vinda sem hafa blásið i alþjóðamálum
áttu svo til öll lönd, sem aðild eiga að
sambandinu, fulltrúi á þinginu, þar á
meðal Bandaríkin.
Aðalmál þingsins var að fjalla um
málefnið: Samvinnufélög árið 2000.
Kom margt fram athyglisvert, bæði í
framsöguerindum og umræðum varð-
andi stöðu og framþróun samvinnu-
starfs næstu tvo áratugi. Þessu efni
verða væntanlega gerð skil í íslensku
samvinnuhreyfingunni síðar.
• Stefnumótun í tölvuvinnslu
Tvær nýjar deildir voru stofnaðar
innan Sambandsins nýverið, Kerfis-
8