Samvinnan - 01.02.1981, Blaðsíða 14
Erlendur Einarsson
svarar spurningum
Samvinnunnar
■K*
Nýtt hús Osta- og smjörsölunnar var
formlega tekið í notkun 17. april 1980.
Þetta hús er merkur áfangi í samvinnu-
starfinu.
Það er alveg ljóst, að við
komumst skammt í því að ná
verðbólgunni niður,
nema launþegar taki á sig
einhverja fórn í trausti þess,
að lagður sé grundvöllur
að því að kaupmátturinn
aukist.
Fyrsti svæðafundurinn var haldinn í
Borgarnesi 2. september 1980 og þótti tak-
ast vel.
hafa fjallað um málið á deildafundum
eða öðrum sérstökum fundum og/eða
í umræðuhópum. Stefnt er að því, að
ný stefnuskrá samvinnuhreyfingar-
innar verði tilbúin á næsta ári.
• Alþjóðlegt kvennaþing á afmælis-
árinu
Nú verður samvinnuhreyfingin
hundraS ára í byrjun næsta árs — eða
hinn 20. febrúar 1982. Á hvern hátt
verður þessa merka afmælis minnst?
Ákveðið var á sl. ári að fela sér-
stakri afmælisnefnd að gera tillögur
um á hvern hátt afmælisins skuli
minnst. í nefndinni eru fulltrúar frá
Kf. Þingeyinga og Sambandinu.
Tillögur nefndarinnar liggja ekki
fyrir, en væntanlega verða þær til
umfjöllunar á næsta stjórnarfundi
Sambandsins.
Aldarafmælið býður upp á margvís-
lega möguleika til kynningar á fram-
lagi samvinnuhreyfingarinnar til
efnahagslegra, verklegra og félags-
legra framtaka á íslandi sl. 100 ár.
Gera verður ráð fyrir, að fjölmiðlar
þjóðarinnar vilji gera þessu nokkur
skil. Þá hefur verið gert ráð fyrir eft-
irtöldum atriðum:
□ Út kemur í febrúar 1982 ein bók af
þriggja binda safni Helga Skúla
Kjartanssonar sagnfræðings um Sögu
samvinnuhreyfingarinnar á íslandi og
fjallar það bindi um síðustu árin í
100 ára sögu hreyfingarinnar.
□ 100 ára saga Kaupfélags Þingeyinga
á að koma út á árinu, Andrés Kristj-
ánsson rithöfundur hefur tekið sam-
an.
□ Parið hefur verið fram á, að Póst-
stjórnin gefi út sérstakt frímerki i
tilefni aldarafmælisins.
□ Tímaritið Samvinnan á að koma út
í hátiðarbúningi.
□ Stefnuskrá samvinnuhreyfingar-
innar á að verða tilbúin og samþykkt
af aðalfundi Sambandsins 1982.
□ Kvennanefnd Alþjóðasamvinnu-
sambandsins mun þinga á íslandi á
afmælisárinu.
Þá verður að gera ráð fyrir, að aðal-
fundir Kf. Þingeyinga og Sambandsins
verði með hátiðarsniði, en Sambandið
á jú einnig merkisafmæli 20. febrúar
1982, það verður þá 80 ára.
Afmælisnefndin mun örugglega
koma fram með ýmsar fleiri hug-
myndir en hér liefur verið minnst á.
0 Sjálfvirk verðbólguvél
Er ljóst orðið, hvernig rekstur Sam-
bandsins gekk á síðasta ári?
Rekstrarniðurstaða Sambandsins
liggur ekki fyrir þegar þetta er ritað.
Ljóst er, að nokkrar rekstrareiningar
gengu sæmilega á sl. ári, aðrar verr.
Óvíst er hve vaxtakostnaðurinn setur
stórt strik i reikninginn. Þar getur
munað miklu til eða frá.
Annars var á árinu áframhaldandi
barátta við verðbólguna og afleiðingar
hennar en hún hélt sínum hlut enda
ekki að furða, þegar búið er að aðlaga
marga þýðingarmikla efnahagsþætti
verðbólgunni, svo sem vísitölu fram-
færslu á laun, gengissig og nú nýjast
að tengja vaxtafótinn við skottið á
verðbólgunni. Niðurstaðan er því
sjálfvirk verðbólguvél.
Áhrifa hávaxtanna er nú farið að
gæta miklu meira í flestum greinum
atvinnurekstrar. Eins og nú horfir er
mikil hætta á þvi að atvinnuuppbygg-
ing dragist mikið saman, nema takist
að ná verðbólgunni verulega niður.
Með minnkandi verðbólgu á vaxta-
kostnaðurinn að lækka.
• Ranglæti sem verður að afnema
Hvað er vitað um afkomu kaupfé-
laganna á árinu 1980?
Þar gildir sama og með Sambandið,
að rekstrarniðurstöður liggja ekki enn
fyrir. Vitað er þó, að afkoman er mjög
10