Samvinnan - 01.02.1981, Blaðsíða 26
Hjalti Pálsson
segir frá
grunnvörum
á grunnverði
Tilraun til að lœkka verð á
helztu nauðsynjavörum
HINN 3. febrúar síðastliðinn hófst
samtímis í öllum kaupfélögum
landsins sala á grunnvörum á
grunnverði. Hér er um að ræða nýj-
ung á vegum samvinnuverzlunarinnar,
stórathyglisverða tilraun til að lækka
verulega verð á nokkrum helztu nauð-
synjavörum. í tilefni af þessu hafði
Samvinnan samband við Hjalta Fáls-
son, framkvæmdastjóra Innflutnings-
deildar, og bað hann að svara fáeinum
spurningum.
0 Dagverð á sykri og hveiti
Hvernig varð hugmyndin að þessu
i nýja fyrirkomulagi vöruafsláttar
kaupfélaganna til?
Þessi hugmynd er árangur af stöð-
ugri viðleitni okkar til að finna nýjar
leiðir til að lækka vöruverð. En þetta
er engan veginn auðvelt, og sem dæmi
um það get ég nefnt, að það er dag-
verð á ákveðnum vörutegundum.
Margir eiga erfitt með að trúa þessu,
en það er staðreynd engu að siður. Við
fáum um hádegisbilið á hverjum degi
verð á sykri sem gildir — til kvölds.
Og það hefur breytzt líklega um einar
40 danskar krónur pr. hundrað kiló á
siðustu tíu dögum. Hið sama er að
segja um hveiti og maís. En hvað sem
þvi liður, þá kom þessi hugmynd fram
og síðan var ákveðið í markaðsráði og
á kaupfélagsstjórafundinum í nóvem-
Hjalti Pálsson, framkvæmdastjóri Inn-
flutningsdeildar Sambandsins: — Ég vona
. sannarlega að verðskyn almennings aukist
með tilkomu nýju krónunnar. Ég sé, að
menn eru aftur farnir að ganga með budd-
ur og mér finnst það góðs viti.
bermánuði að taka upp nýtt vöruaf-
sláttarfyrirkomulag frá Birgðastöð
1981 og þessari hugmynd hefur nú ver-
ið hrundið í framkvæmd.
Hvaða vörutegundir eru það, sem
þið kallið grunnvörur?
Það eru allt nauðsynjavörur, sem
hvert heimili þarf að nota daglega, svo
sem hafragrjón, ljósaperur, strásykur,
tekex, sápa, smjörlíki, salernispappir,
ávextir og sitthvað fleira. AIls eru það
18 vörutegundir, sem valdar hafa ver-
ið til að mynda grunnvöruheildina.
Hve miklu lægra er grunnverðið en
almennt gerist?
Það er erfitt að nefna eina ákveðna
tölu i því sambandi, en ég get nefnt
sem dæmi verð á þremur vöruteg-
undum:
Venjl. verð Gr.verð
Sykur, 2 kg. 19,00 17,00
Leni salernisp., 8 rl. 25,45 21,50
Leni eldhúsrúllur, 2 rl. 9,75 8,25
Eins og þessi dæmi sýna er hér um
verulega lækkun að ræða og þetta hef-
ur tekizt með sérstökum samningum
við framleiðendur, flytjendur, tryggj-
endur, heildsölu og smásölu. Þessar
dagvörur verða seldar á sínu lága
grunnverði allt árið án annarra verð-
breytinga er verða kunna af utanað-
komandi áhrifum, t.d. gengisbreyting-
um. Grunnverðið er bundið þvi skil-
yrði, að keypt sé ákveðið magn, einn
pallur, sem flestir munu koma til fé-
laganna óhreyfðir beint frá framleið-
endum.
0 Átján vörutegundir
22