Samvinnan - 01.08.1981, Blaðsíða 23

• Litlar búðir og alþjóðasamvinna
— Talað er um að erfitt sé að
reka litla verslun. Er ekki hætt við
að sumar litlar verslanir verði lagð-
ar niður þegar stórmörkuðum fjölg-
ar?
— FDB ætlar að stuðla að þvi að
tryggja neytendum tækifæri til
innkaupa á daglegum nauðsynjum
nálægt heimilum sínum og/eða
vinnustöðum. Fjölbreytt vöruúrval
þarf að vera í verslunum til að upp-
fylla þarfir íbúanna á staðnum.
FDB þarf því að viðhalda og jafn-
vel að stofnsetja minni verslanir,
þannig að fólk i dreifbýli geti feng-
ið vörur til daglegra þarfa og einnig
ýmis konar nýmeti náiægt heimil-
inu.
— Þú varst að' tala um þjóðfé-
lagslegt framlag og alþjóðlega sam-
vinnu. Snertir slíkt neytendur?
— Þar sem FDB er stærstu neyt-
endasamtök landsins, eru þau með-
ábyrg fyrir þvi. hvernig þjóðfélagið
þróast. FDB þarf því að taka tillit
til þeirra áhrifa sem ákvarðanir
stjórnarinnar hafa á þjóðfélagið.
Það verður að reyna að hafa áhrif
á þróun þjóðfélagsins neytendum í
hag. Manneldispólitísk sjónarmið
FDB þarf að kynna rækilega til
þess að hafa áhrif á lögin sem sett
eru í landin og þær kröfur sem
opinberir aðilar gera til matvæla-
framleiðslunnar hverju sinni. Einn-
ig þarf að hafa áhrif á manneldis-
venjur fólks.
í þeirri alþjóðlegu samvinnu sem
á sér stað, vill FDB stuðla að þvi að
verslunarhöft, sérstaklega gagn-
vart þróunarlöndunum verði fjar-
lægð eftir því sem tök eru á. FDB
vill einungis viðurkenna þau versl-
unarhöft sem nauðsynleg eru til að
vernda neytendur. Þá innkaupa-
samvinnu sem á sér stað í „Nordisk
Andelsforbund" og í „Inter Coop“
skal nýta í ríkara mæli en gert hef-
ur verið, svo að unnt sé að útvega
betri vörur fyrir mun lægra verð.
íslendingar taka þátt í þeirri sam-
vinnu.
— Þú sinnir aðallega málum sem
varða verslunina, er það ekki?
— Jú, ég heimsæki verslanir og
geri mér grein fyrir hvernig þær
koma neytendum fyrir sjónir. Ég
athuga hvort að vörurnar eru
geymdar við rétt hitastig o.þ.h. og
hvort þær eru ferskar og líta vel út.
Ég athuga einnig hvort verslunin
sé hrein, hvort henni sé haldið vel
við og hvort allt sé í röð og reglu.
Ef mér finnst þörf á að betrum-
bæta eitthvað, reyni ég að gera það
í samvinnu við kaupfélagsstjórann.
— Nú hefur þú ferðast um ísland
og mér skilst að þú hafir séð marg-
ar verslanir á leið þinni. Hvernig
líst þér á þær?
— Þær matvöruverslanir sem ég
skoðaði leist mér mjög vel á. Inn-
réttingar eru hagkvæmar og öllu er
smekklega fyrir komið. Vöruúrvalið
er ótrúlega mikið. Það hlýtur að
vera erfitt í svo stóru landi með svo
fáum íbúum að hafa mikið vöru-
úrval svo víða í dreifbýlinu.
En í Danmörku fá neytendur
meiri upplýsingar um vörurnar en
neytendur á íslandi. Uppl. um hve
mikið magn af vörunni er í um-
búðunum, úr hvaða efnum hún er
samsett, hvaða næringarefni hún
hefur að geyma, hvernig megi nota
vöruna og hvernig best sé að geyma
hana, fylgja yfirleitt öllum vörum.
Samkvæmt lögum eiga allar upp-
lýsingar á matvælum að vera
samdar á dönsku. Á útlendar mat-
vörur verður að setja miða meö
dönskum texta.
Hjá okkur þurfum við að verð-
merkja allar vörur. Þar að auki
þurfum við nú samkvæmt lögum að
gefa upp kíló- eða litraverð á al-
gengustu matvælum. í FDB höfum
við reyndar gert það í mörg ár.
— Finnst þér að vörurnar séu
geymdar á réttan hátt í verslunum
hér á landi?
— Vörur sem í Danmörku eru
geymdar í kæli eru það einnig á ís-
landi nema eggin. Þau eru víða
geymd annars staðar þar sem er of
heitt, en það er ólöglegt í Dan-
mörku samkvæmt matvælalöggjöf-
inni. Gæði eggja er undir geymslu-
aðferðinni komin. Ferskleikinn og
hið góða bragð varðveitist mun
lengur ef eggin eru geymd í kæli.
— Þú minnist áðan á manneldis-
pólitísk sjónarmið FDB, í hverju
eru þau fólgin?
— FDB reynir að útvega bestu
vörurnar sem til eru á markaðnum
fyrir neytendur. FDB reynir einnig
að framleiða matvæli með eins litlu
af aukaefnum og unnt er, t.d. litar-
efnum og rotvarnarefnum. Matvæl-
in verða þá hollari. í matvælum
sem framleidd eru hjá FDB er
stefnt að því að minnka sykur-
magnið, t. d. er í ungbarnafæðu sem
FDB framleiðir minni sykur en
aðrir framleiðendur nota. 4