Samvinnan - 01.03.1986, Blaðsíða 19
Flutningar eru einungis einn liður í
dreifingu á vörum frá framleiðendum
til neytenda. Þessi dreifing er gjarnan
nefnd vöruflæði eða dreifileið vöru,
og á síðari árum hefur þeirri skoðun
vaxið fylgi, að líta beri á flutninga sem
hluta af verkefnakeðju fremur en sem
einangraðan verkþátt. Því sé rekstur
verslunarfyrirtækis á flutningakerfi
einungis hluti af versluninni en ekki
markmið í sjálfu sér, og mestu máli
skipti að varan, sem er falboðin í
versluninni, sé á hagkvæmu og sam-
keppnisfæru verði. Neytandinn spyr
aðeins um verð vörunnar og lætur sér
í léttu rúmi liggja hvaða þættir mynda
verð hennar, og hvað hver þeirra
vegur mikið í verðinu. Hann kaupir
vöruna þar sem kaupin gerast best og
það er engin trygging fyrir því að
verslunin nái í öllum tilvikum nægi-
lega háum sölulaunum til að greiða
allan kostnað og halda eftir eðlilegri
þóknun. Ljóst er, að verslunin verður
að vita hvernig verðmyndunin á sér
stað og haga jafnframt allri skráningu
á þann veg, að kostnaður allra þátta í
dreifingu vörunnar komi fram. Að
sjálfsögðu leitast verslunin við að láta
sérhvern þátt bera sig, en mestu
skiptir þó að heildarniðurstaðan sé
jákvæð.
# Víðtæk könnun
í verkáætluninni kemur fram, að
markmið með könnuninni var að
leggja fram tillögur um það á hvern
hátt samvinnuhreyfingin gæti sem best
nýtt tæki, aðstöðu og samstarfsmögu-
leika sína og stuðlað þannig að sem
lægstu vöruverði og meiri samkeppnis-
hæfni samvinnuverslunarinnar.
Þrennt skyldi einkum mæla árangur af
starfi í könnuninni, þ. e. a. s. glögg
lýsing á stöðu flutningamálanna núna,
skilgreining á flutningaþörf sam-
vinnufélaganna og áætlun um úrbætur
og nýskipan flutningamála hreyfingar-
innar innanlands. Verkefnið var því
einungis könnun og tillögugerð, en
ekki framkvæmd neinna breytinga á
núverandi flutningakerfi samvinnu-
hreyfingarinnar innanlands.
Könnunin hófst í júní 1985 eftir
töluverðan undirbúning og fór þannig
fram, að fyrst voru haldnir kynningar-
fundir í Reykjavík þar sem verkefnið
var kynnt fyrir fulltrúum kaupfélag-
anna og jafnframt leiðbeint um útfyll-
ingu skráningargagna. Eftir um það
bil einn og hálfan mánuð voru aftur
haldnir fundir með fulltrúum kaupfé-
laganna þar sem farið var yfir þau
gögn er fulltrúarnir færðu með sér frá
félögunum. Upplýsinga um flutning-
19