Samvinnan - 01.03.1986, Blaðsíða 39
I
hverjum mæli á hverju ári þannig að
starfsemin snerti jafnan alla hreyfing-
una.
Sérstaka rækt verður að leggja við
að fylgjast með áhrifum og afleiðingum
hvers námskeiðs eftir á. Kennarar og
aðrir leiðbeinendur Starfsfræðslu-
deildar verða að hafa aðstöðu til þess
að sinna þessu sérstaka verkefni og til
að gera síðan viðeigandi breytingar á
fræðsluefni og -aðferðum til að tryggja
æskilegan árangur. Liður í því að
tryggja árangur er að gera þá kröfu til
verkstjóra, yfirmanna og stjórnenda
almennt að þeir taki þátt í námskeið-
um með starfsmönnum sínum og fylg-
ist þannig með því sjálfir hvað kennt
er.
# Ævilöng viðfangsefni
Mynda verður „samráðshóp“ með
fulltrúum stjórnenda og starfsmanna í
samvinnuhreyfingunni til skrafs og
ráðagerða um starfsemina og hafa
hópinn mjög með í ráðum um alla
framvindu og þróun starfseminnar,
endurbætur, nýmæli o. s. frv. Þannig
ætti að mega leggja áherslu á að
upplýsingar og óskir berist skólanum
nógu fljótt um það sem betur má fara,
um ný viðhorf og nýjar þarfir.
Undirbúa verður þá þróun sem
fyrirsjáanleg er innan nokkurra ára að
kröfur verða gerðar um fornám þeirra
sem ganga til afgreiðslu-, skrifstofu-
og/eða annarra almennra þjónustu-
starfa; ekki verður lengur unnt að
koma til slíkra starfa „beint inn af
götunni“. Pessar aðstæður, -eftir t. d.
4-5 ár, krefjast þess m. a. að Starfs-
fræðsludeild Samvinnuskólans bjóði
löng námskeið, t. d. tveggja-vikna-
löng, mánaðarlöng og jafnvel nám-
skeið sem standa allt að þremur heil-
um mánuðum með viðeigandi náms-
mati o. fl.
Framvindan, samkeppnin ogtæknin
krefjast þess að frœðsla og þjálfun séu
ævilöng viðfangsefni. Hér er um for-
sendur þess að ræða að einstaklingar
og fyrirtækin fái notið sín og staðist
þær kröfur sem gerðar verða. Um leið
og Samvinnuskólinn hlýtur að hafa
hagsmuni samvinnurekstrarins að leið-
arljósi er augljóst að velferð, hagur og
lífsánægja samvinnustarfsmanna ogfé-
lagsmanna er mikilsverður menningar-
og samfélagslegur þáttur starfsins.
Vitanlega ætlast samvinnuhreyfing-
in til þess að starfsfræðslan leiði til
bættra starfa og meiri velgengni sam-
vinnurekstrarins. En þessi starfsemi á
um leið að auka starfstækifæri og
vinnugleði starfsmannanna; hún á að
verða sameiginlegt áhugamál og hags-
munamál fyrirtækjanna og starfs-
mannanna, stuðla að velgengni allra
aðilja og betra þjóðlífi. #
Framvinda, samkeppni
og tæknin krefjast
þess að fræðsla og
þjálfun séu ævilöng
viðfangsefni.
i