Samvinnan - 01.03.1986, Blaðsíða 50

Hugsjón í vinnufötum
En Valur Arnþórsson kaupfélagsstjóri á Akureyri tók
við stjórnarformennsku af Eysteini.
Sérhver maður sem lítur yfir langa vegferð sjálfs sín
eða annarra hlýtur að spyrja: Hef ég verið á réttri leið
eða var ég að villast? Af þeim rótum sýnist mér runnið
þetta sem Eysteinn Jónsson sagði þegar hann skilaði af
sér stjórnarformennsku í Sambandi íslenskra samvinnu-
félaga 1978:
„Samvinnuhreyfingin er mikil kjölfesta í okkar litla
þjóðfélagi. Margt annað sem sumum þykir kannski
jafnvel enn traustara og mikilsverðara reynist oft býsna
hverfult og ótraust. Það er ómögulegt annað en að taka
eftir því til dæmis að fjöldi fyrirtækja sem í mínu
ungdæmi þóttu traust og voldug eru gersamlega horfin
- en samvinnufyrirtækin, kaupfélögin og samband
þeirra hafa þróast farsællega og gegna sama hlutverki
og áður, að vera kjölfesta byggðanna í sveit og við, sjó
og traustar stoðir almennings í lífsbaráttunni, hafa
heilbrigð'- áhrif á verðlag og þjónustu og stuðla að
bættum lífskjörum.“
Þessi ummæli Eysteins þarfnast ekki skýringa en eru
ærið umhugsunarefni fyrir hvern mann. Og ekki síst
fyrir þá sem kunna að vilja skoða verslunar-, atvinnu-
og stjórnmálasögu íslendinga á þessari öld.
Hér á landi hefur samvinnuforminu í stórum dráttum
verið beitt á tvo vegu. Við stór og fjölbreytt verkefni í
framleiðslu og iðnað, afurðasölu og almennri verslun,
siglingum o. s. frv. Á hinn bóginn við alhliða uppbygg-
ingu á svæði hvers félags fyrir sig, oft þegar þannig var
ástatt að önnur úrræði lágu ekki á lausu. Og því er
samvinnurekstur svo umfangsmikill hér á landi að
samvinnuformið fellur vel að þjóðfélagsgerðinni og
þóknast fólkinu. - „Kaupfélögin yrðu ekki lengi fyrir-
ferðarmikil ef menn teldu þau lítils virði eða óþörf,“
sagði Eysteinn Jónsson ekki alls fyrir löngu. ♦
Þótt Eysteinn léti af störfum sem stjómarformaður Sam-
bandsins 1978, hélt hann áfram að sækja helstu fundi
samvinnumanna og fylgjast með málefnum dagsins-og gerir
það enn.
Frá stjórnarfundi í forstjóratíð Erlendar Einarssonar. Talið
frá vinstri: Ragnar Ólafsson, Finnur Kristjánsson, Axel
Gíslason, Valur Arnþórsson, Eysteinn Jónsson, formaður,
Erlendur Einarsson, Guðröður Jónsson, Þórarinn Sigur-
jónsson á Laugardælum og Ólafur E. Ólafsson.
50