Fréttablaðið - 22.08.2009, Page 38

MENNING 6
Á Menningarnótt verður ljóst á verkstæði Íslenskrar grafíkur í Hafnarhúsinu gamla − inngangur Mið-bakkamegin − hvort hópur-
inn sem á sínum tíma hóf að gefa út
alíslenska myndasögublaðið (Gisp!)
nær settu lokamarki að koma út heilu og
heftu tíunda tölublaði þess merka blaðs
áður en flugeldasýningin hefst.
Blaðið er einhvers konar hápunktur á
sýningunni Hvað er (Gisp!)? í sýningar-
sal Íslenskrar grafíkur en henni lýkur
á sunnudag. Á henni gefur að líta heil-
mikið safn íslenskra myndasagna sem
að mestu hafa birst í myndasögublaðinu
(Gisp!) síðan 1990. Í tengslum við sýn-
inguna hafa meðlimir (Gisp!) hand-
þrykkt myndabók á staðnum. Klukkan
17 í dag verður bókin formlega gefin
út og haldið upp á það með pompi og
prakt. Heftið samanstendur af tuttugu
silkiprentuðum verkum og er gefið út í
fimmtíu árituðum eintökum. Verðinu er
stillt í hóf. Húsið verður opnað kl. 14. og
er opið fram að flugeldasýningu.
Hér er því saman dregin saga (Gisp!)
og staðfest framhaldslíf þessa einstaka
fyrirbæris íslenskrar myndasöguhefðar
sem á sér djúpar rætur í norrænni mynd-
hefð. Nema hvað, í næsta herbergi við
sýningarsalinn er fullbúið verkstæði og
þar mun framleiðsla gripsins (Gisp!) 10
fara fram í dag.
Að þessu standa þeir (Gisp!)-arar:
Bjarni Hinriksson fréttagrafíker, Hall-
dór Baldursson teiknari, Jóhann Lúðvík
Torfason, umsjónarmaður prentverk-
stæðis LHÍ, og Þorri Hringsson list-
málari. Alla dreymdi þá um að verða
höfundar myndasagna. Rætist draumur-
inn í tíunda heftinu? Hverjir eru hetjur
og hverjir skúrkar í þessu nýja hefti?
Deyr einhver? Af hlátri eða sælu?
Svarið verður ljóst í kvöld og er
skyldumæting hjá öllum þeim sem elska
myndasögur. Fylgstu með frá byrjun −
náðu í tíunda hefti (Gisp!)!
GISP! PÚFF..
Slamm
Tímaritið (Gisp!) hefur komið út níu sinn-
um og í dag er það tíunda væntanlegt.
MYNDASÖGUR PÁLL BALDVIN BALDVINSSON
Myndasaga eftir Bjarna Hinriksson úr tíunda hefti (Gisp!) sem kemur út eftirmiðdaginn í dag.
Suðurgata 41 · 101 Reykjavík · sími 530 2200 · www.thjodminjasafn.is
Opið kl. 10-22
SÝNINGAR Á SAFNINU:
Dagskrá milli kl. 14 og 22 HÚS MEÐ SÖGU OG SÁL
menningarnótt
22. ágúst
Kl. 14–16 Listasmiðja fyrir börnin
Kl. 15:00 Að búa á safni. Sigrún Eldjárn
rithöfundur segir frá æsku sinni og uppvexti
í Þjóðminjasafnshúsinu
Kl. 16:00 Djass – Tríó Ragnars Árna spilar ljúfa og
létta djasstóna
Kl. 17:00 Pétur Ármannsson arkitekt leiðir fólk um
króka og kima safnhússins
Kl. 18:00 Kynning á húsasafni Þjóðminjasafns Íslands
Kl. 18:30 Leiðsögn á íslensku um grunnsýningu
safnsins Þjóð verður til
Kl. 19:30 Vinir Láru flytja lög við kvæði og vísur
Þórbergs Þórðarsonar
Kl. 20:00 Leiðsögn um fornleifasýninguna Endurfundi
Kl. 21:00 Vinir Láru flytja lög við kvæði og vísur
Þórbergs Þórðarsonar
Kl. 21:30 Óperudúett í Þjóðminjasafni Íslands
ÞJÓÐ VERÐUR TIL
Menning og samfélag í 1200 ár
ENDURFUNDIR
Fornleifasýning fyrir alla fjölskylduna
ÞRÆLKUN, ÞROSKI, ÞRÁ?
Ljósmyndir af börnum við vinnu
SVART Á HVÍTU
Prentlistin og upplýsingabyltingin