Tímarit íslenzkra samvinnufélaga - 01.10.1923, Blaðsíða 6

52 Tímarit íslenskra samvinnufélaga.
ekki er kunnugt um nokkurn annan íslending, en þ. D.,
sem kann þetta verk. Hagurinn við gærurotun er sá, að
bæði ullin og skinnin seljast hærra verði, heldur en nú. Og
á öllum gærum kaupfélaganna munar þetta allmiklu.
Kaupfélag Eyfirðinga hefir, síðan raf-
Myllan á magnið kom, efnt til mölunar fyrir félags-
Akureyri. menn. Kaupir korn og lætur síðan mala
fyrir félagsmenn. Er þetta framför á
tvennan hátt. Mölunin veitir íslenskum mönnum atvinnu.
Hitt er þó meira um vert, að félagsmenn hafa nú vissu fyr-
ir að fá ósvikið mjöl. En um útlenda mjölið er ómögulegt
að fá nokkra tryggingu. Grunar marga, að þar sé blandað
saman við ýmsu léttmeti, oftar en góðu hófi gegnir. þessi
nýbreytni Eyfirðinga er mjög eftirtektai'verð, og ætti að
verða til fyrirmyndar og eftirbreytni annarstaðar á
landinu.
Á Halldórsstöðum í Laxárdal höfðu um all-
Tóvélar þing- langt skeið verið kembingarvélar. Fengu
eyinga. þingeyingar þar kemda í lopa mikið af ull
til heimavinnu. Er tóskapur allmikill þar
í héraðinu, og bygðist að miklu leyti á þessum tóvélum. I
fyrra brunnu þær. Margir leiðandi menn í Kaupfélagi
þingeyinga ákváðu í vor sem leið að kaupa nýjar vélar og
reisa þær á Húsavík. Eru þær nú komnar þangað og geta
tekið til starfa í byrjun næsta árs. Kaupfélag þingeyinga
átti mikinn húsakost, lítt notaðan; hafði þar fyr verið tré-
smíðaverksmiðja. Var nú gert það snjallræði, að kaupa
aðeins frá útlöndum tóvélarnar, en nota hin gömlu verk-
smiðjuhús, og steinolíuvél til að hreyfa, því að hvorki var
til á Húsavík nægilegt vatnsafl eða rafmagn fyrir þetta
nýja iðnaðarfyrirtæki. Stofnkostnaðurinn verður með
þessum hætti meir en helmingi minni heldur en verk-
fræðingar höfðu áætlað, að nýjar kembingarvélar myndu
kosta, ef alt væri nýtt, vélar, húsnæði, og virkjað vatns-
fall vegna fyrirtækisins. þingeyingar ætla að láta kemb-
ingarvélamar vera sjálfstætt samvinnufyrirtæki undir
verndarvæng kaupfélagsins. Var mikið um það deilt í vor