Tímarit íslenzkra samvinnufélaga - 01.03.1925, Síða 58

Lítið til fuglanna.
það er engin vissa fyrir því, hve margar fuglategundir
eru til á íslandi. Fróðir menn telja þær 100—120. Sagt er
að 28 teg. eigi hér æfidvöl. það er: ala allan sinn aldur
á landinu eða í námunda við það. Um 49 tegundir eru far-
fuglar Nálega 50 teg. hafa komið hingað stöku sinnum,
en verpa hjer alls ekki, og geta því varla talist íslenskir
fuglar.
Gera má ráð fyrir að fleiri fuglategundir hafi gist
landið í fornöld. Náttúrugróður landsins hefir breyst
mikið síðan. Skógarnir eru horfnir að mestu og gróðrin-
um hefir hnignað. Lífsskilyrði fugla eru því lakari nú en
þau voru á blómaöld náttúrugróðursins. Fækkun fugla-
tegunda er því óbeinlínis af mannavöldum.
1. Ferðalög fugla.
Menn eru nokkurnveginn sannfróðir um, hvar far- ■
fuglarnir, dvelja að vetrinum. Vetrarseta þeirra er suður
við Miðjarðarhaf og suður í hitabelti. Nokkrir fara til
Suður-Asíu og Ameríku. Lóan flækist t. d. um alla jörð-
ina, að sagt er; spóinn fer alla leið suður á Kapland. það
er álitin regla, að fuglar, sem fara lengst norður á bóg-
inn, fari einnig lengst suður. Fuglar sem gista norður-
strönd Síberíu á sumrin sjást í stórum hópum syðst á
Afriku á vetrum.
Flestir farfuglar koma hingað í apríllok og snemma
í maí. Mjög fer það samt eftir tíðarfari, hvað fuglar koma
snemma. þó koma oft slæm vorhret, eftir að þeir eru
komnir, sem kostar þá lífið.