Tímarit íslenzkra samvinnufélaga - 01.03.1925, Blaðsíða 61

Tímarit íslenskra samvinnufélag-a.
251
hafa einnig verið raddsett og leikin á hljóðfæri. peir sem
nafa rannsakað söng fuglanna árum saman komast að
þeirri niðurstöðu, að honum svipi eigi alllítið til manns-
raddarinnar.
Fátt af söngfuglum er til hér á landi samanborið við
mörg önnur lönd. En flestir eru þeir á meðal spörfugla.
þúfutitlingurinn syngur einna fegurst. Hann flýgur spöl-
korn upp í loftið og syngur um leið sif, sif, sif, lætur sig
síðan falla skáhalt til jarðar með útþanda vængi og syng-
ur á meðan, með dillandi rödd: li, li, li, geo, geo, geo, svo
unun er að heyi’a. þetta lætur hann ganga nokkrum sinn-
um í röð. Lóa syngur best af vaðfuglum og svanur af
sundfuglum. Hrossagaukur er sá eini fugl hér á landi,
sem gefur hljóð frá sér með flugfjöðrum. Er hann þá
venjulega hátt í lofti. Hann rennir sér stuttan spöl ská-
balt niður með útþanda vængi, sem titra um leið vegna
mótstöðu loftsins. þeir gefa þá frá sér einkennilegt negg
hljóð. Virðist fuglinn hafa mjög mikið yndi af að leika
þessa list um vai*ptímann.
3. Heimilislíf fugla.
Hreiðurgerð fugla byrjar eftir að þeir hafa makað
sig. Og um það leyti syngur karlfuglinn einna fegurst.
Haldið er að kvenfuglinn velji sér maka fyrir aðeins eitt
sumar í senn, en þó eru sum fuglahjón, sem eiga hjú-
skaparfélag alla sína æfi.
Ungar, sem fara héðan á haustin, koma hingað aftur
fullþroskaðir á vorin. þeir búa til hreiður sín nákvæmlega
eins og foreldrar þeirra gerðu, án þess að hafa séð, hvern-
ig þeir fóru að því. Meðfædd eðlishvöt ræður athöfnum
þeirra í því sem öðru. Flestir farfuglar búa til hreiður
sín, og verpa, í júnímánuði, sumir nokkru fyr. 1 júlí hafa
þó ekki allir fuglar lokið við að verpa. Fátítt er að fuglar
verpi hér oftar en einu sinni á sumri. Kemur þó fyrir að
einstöku fugl verpir tvisvai'. En eflaust er það undir veðr-
áttu komið. þess er getið í annálum, að egg undan fuglum
hafi fundist austur í Flóa á góu og einmánuði. Var þá