Tímarit íslenzkra samvinnufélaga - 01.03.1925, Blaðsíða 74
264 Tímarit íslenskra samvinnufélaga.
gripasafn. Almenningur metur hann sem fuglafræðing,
sem eigi hrós og opinbera viðurkenning skilið.
J>essu er alt öðruvísi háttað í Bandaríkjunum. J>ar
er aðaláherslan lögð á, að fræða nemendurna um lifnaðar-
hætti fugla, fuglavernd og hver ráð eru til þess að fjölga
þeim í landinu. Kenslan miðar að því, að gera nemand-
ann færan um að rannsaka á eigin hönd lifnaðarhætti
fugla úti í náttúrunni, með öðrum áhöldum en drápvél-
um. Úttroðnir fuglshamir eru ekki notaðir við kensluna.
það þykir ekki viðeigandi, á þann hátt, að minna nemend-
ur á fugladráp. Litmyndir af fuglum eru notaðar í þess
stað. Kanarifuglar í búri eru oft hafðir í kenslustund.
Ungir nemendur í skólum eru látnir æfa ýmsa smáleiki
með litmyndakortum af fuglum. Kennari, eða nemandi,
sýnir bekknum eitt kort í senn af fugli, en lætur ekki
sjást nafnið á honum. Nemendur eru látnir geta, af hvaða
fugli myndin er. Sá nemandi, sem þekkir flesta fugla tek-
ur við j afnmörgum kortum og vinnur leikinn.
Annan smáleik æfa eldri nemendur. Margar fugla-
myndir eru hengdar upp á veggi í skólastofunni. Mynd-
imar eru tölumerktar en lagt yfir nafn fuglsins. Nemend-
ur eru látnir skrifa á blað nöfn þeirra fugla, sem þeir
þekkja á myndunum. Vinningurinn er, að þekkja sem
fiestar myndir.
Á vorin eru nemendur látnir setja á sig nær farfuglar
koma, og skrifa það hjá sér. peim er gefin eyðublöð til að
fylla út. Nemandinn skrifar á blaðið, heiti fugls þess, sem
hann sér fyrst, þá dagsetningu og hvar fuglinn sést o. s.
frv. þannig er hver fugl af öðram skrifaður, jafnóðum og
komið er auga á hann. Síðan er fært af öllum eyðublöð-
unum inn í eina aðalskrá í skólanum. Aðferð þessi venur
nemendur á að veita fuglum athygli úti á víðavangi.
1 skólunum er nemendum, með öllu móti innrætt
velvild til fugla. peir eru fræddir um ýms ráð til að hæna
fugla að mannabústöðum. Eins og t. d. það, að festa upp
hreiðurkassa handa þeim á vorin og gefa þeim á vetrum
í bjargarskorti. Skólanemendur eru látnir búa til hreið-