Tímarit íslenzkra samvinnufélaga - 01.03.1925, Blaðsíða 75

Tímarit íslenskra samvinnufélaga. 265
urkassa og festa þá upp víðsvegar út um borgir og þorp.
I borginni Portland á Oregion-fylkinu bjuggu nemendur,
við skóla, til 1000 hreiðurkassa, og festu þá upp á ýmsum
stöðum inni í borginni. Víða eru nemendur verðlaun-
aðir fyrir að búa til hreiðurkassa, er því búið til mörg
þúsund af þeim í sumum skólum og seldir út um borgir
og sveitaþorp.
þegar nemendur eru farnir úr skólanum, halda þeir
áfram að hafa vakandi auga á fuglunum. þeir fara að
rannsaka lifnaðarhætti þeii’ra og nytsemi fyrir þjóðina.
Og byggja þannig ofan á grundvöll sem skólinn lagði.
Stundum er farið með nemendur úr skólum út á víða-
vang undir leiðsögn kennarans, til að athuga lifnaðar-
hætti fugla. Áður en lagt er af stað er gerð nákvæm
áætlun um ferðina og tilgang hennar. Nemendur eru látn-
ir skrifa upp nöfn á fuglategundum, sem bera fyrir augu,
lýsa hverri fyrir sig, t. d. lit, stærð, söng, hreiðri, flugi,
o. s. frv.
Fugladagur (Bird Day) svonefndur er oft haldinn í
skólum, í sambandi við skógræktardaginn. Árið 1916 var
búið að stofna fugladaga í 9 fylkjum í Bandaríkjunum,
sem helgaðir voru fuglunum. Dagar þessir eru hátíðlegir
í skólunum ekki síður en skógræktardagar. Inni í skólan-
um, þennan dag, er lesið upphátt um eitthvert efni, sem
snertir fugla. En fyrir utan skólann flytur einhver erindi
og auk þess talar kennarinn þar, við nemenduma, um
fugla. Nemendur sem til þess eru valdir eru látnir segja
frá ýmsu, sem þeir vita um lifnaðarhætti fugla. Að þvi
búnu eru hreiðurkassar festir upp í skólagarðinum, hjá
heimilum nemendanna, eða í trjá- og skemtigörðum borg-
anna. Runna- og skógarplöntur eru gróðursettar í skóla-
garðinum eða annarstaðar í því skyni að hæna fugla að
húsum, o. s. frv. Ótal bækur um fugla, eru gefnar út,
handa skólum og heimilum. Nemendur eru stundum látnir
klippa úr dagblöðum, eða tímaritum, greinar um fugla,
sem geta orðið umræðuefni í skólanum o. s. frv.
Hér er aðeins drepið á örfá atriði í fræðslustarfsemi