Tímarit íslenzkra samvinnufélaga - 01.03.1925, Blaðsíða 80
270
Tímarit íslenskra samvinnufélaga.
færri en 17 fuglategundir, sem fá þann dóm á löggjafar-
þingi þjóðarinnar. Skyldi nokkurt þing í heiminum sýna
aðra eins röggsemi gagnvart fuglunum. Mesti náttúru-
fræðingur landsins Ben. Gröndal komst svo að orði um
fuglafriðunarlögin, að þau væru „afmán“. Og ekki hafa
þau batnað síðan á hans dögum.
Auk „alfriðiðu“ fuglanna eru 3 eða 4 tegundir frið-
aðar nokkra mánuði á árinu. Með því móti má, ef til vill,
treina í þeim lífið óákveðinn tíma. En gera má þó ráð
fyrir, að mönnum takist að gjörfella þá, þann tíma árslns,
sem þeir eru friðlausir.
Valir eru friðaðir til 1930 og ernir 10 árum lengur.
Eftir þann tíma verða þeir friðlausir, og má þá útrýma
þeim, ef ekki þykir ástæða, að framlengja lögin. En öll
líkindi eru til, að önnurhvor eða báðar þessar fuglateg-
undir verði þá aldauðar á landinu. Munu menn þá hugga
sig við, að þær hafi ekki dáið í útlegð. En ennþá er ekki
búið að koma í veg fyrir það, með lögum, að kastað sé
eitri út á víðavang, sem fuglum þessum getur orðið að
fjörtjóni. Mega þeir nú eta eitrið sem friðhelgir fuglar.
Fuglafriðunarlögin koma því aðeins að notum, að þau
séu reist á heilbrigðum og skynsamlegum grundvelli. þau
eiga að bera vott um virðingu manna fyrir náttúru lands-
insins og skilning á tilverurétti fuglanna. það á að ganga
ríkt eftir að þau séu haldin og í heiðri höfð.
Árið 1886 var félag stofnað í Bandaríkjunum í Amer-
íku er nefnist Audubon Society. það var dýraverndunar-
félag. Félagið óx með geysihraða. Fyrsta árið gengu í það
16000 menn. Og annað árið var félagatalan orðin 38000.
Árið 1905 breyttist starfsvið félagsins og varð sem nýtt.
það nefndist þá: National Association of Audubon Socie-
ties. það gerðist alþjóðafélag, það hefir stofnað deildir í
öllum Bandaríkjunum að undanskyldum þremur strjál-
bygðustu fylkjunum. Mynda þær allar eitt samband.
Stjórn þess situr í New York. Tilgangur sambandsins er
að vekja áhuga almennings á vemdun villifugla og annara
veiðidýra, og sýna fram á hve mikið gildi það hefir fyriv