Tímarit íslenzkra samvinnufélaga - 01.03.1925, Blaðsíða 84
274 Tímarit íslenskra samvinnufélaga.
kassagerðina, Hann fékk sér stutta trjábúta, með berk-
inum á, klauf þá að endilöngu um miðjuna, holaði þá inn-
an, setti kringlótt gat á annan helminginn og negldi þá
svo saman aftur. Gatið hafði hann svo stórt að spörfugl
komst hæglega inn um það og út. Gerð þessi hefir rutt
_sér til rúrns víða um lönd. Tvær verksmiðjur á þýskalandi
hafa einkum búið kassana til og haft nóg að gera.
í Bandaríkjunum hafa um 30 fuglategundir vanist á
að verpa í hreiðurkassa. þar á meðal eru 5 tegundir af
músarindlum, ein uglu- og hauktegund. Hreiðurkassarnir
eru gerðir úr ýmsu efni og hafðir mismunandi að lögun.
En þýsku kassamir þykja þó einna bestir. Stærð og lög-
un hreiðurkassa fer eftir því, hvaða fuglategund er ætlað
að nota þá. Litlir fuglar þurfa litla kassa. Botninn er hafð-
ur mátulega stór fyrir hreiður, sem fuglinn er vanur að
búa til. Opið, sem fuglinum er ætlað að skríða inn um, er
sett fyrir ofan miðju á framhlið kassans. Trélisti, ofur-
iítill, er negldur fyrir neðan opið handa fuglinum að
stöðva sig á, þegar hann flýgur út og inn. Efni í hreiðr-
ið verður að láta í kassann. Er þá valið samskonar efni
og fuglinn er vanur að nota út á víðavangi, eins og t. d.
sinustrá, hroshár, þurrar rótartægjur, fiður o. s. frv. Fugl-
inn bregður úr þessu körfu, og bætir við það eftir þörf-
um, því sem hann sér að hentar best.
Sumir spörfuglar verpa ekki í lukta kassa. Meðal
þeirra er skógarþröstur; handa honum verður kassinn að
vera opinn. Botn kassans er hafður 54 fer. þuml., hæðin
8 þml. og festur upp 1—3 fet frá jörðu. Handa smærri
fuglum er botninn hafður 16 fer. þml., hæðin 6—8 þml.
og opið 4—6 þml. frá botni. Kassinn er festur upp 6—10
fet frá jörðu. Hreiðurkassar eiga að vera óheflaðir og
ómálaðir. Fuglar kæra sig ekki um neitt tildur í kring-
um sig. Ekki skyldi nota neitt það efni í kassa, sem ein-
liver lykt er af. Hreiðurkassar eru teknir niður á haust-
in og festir upp snemma á vorin, áður en fuglamir koma,
svo að þeir verði orðnir veðurbarðir þegar fuglinn fer
að svipast eftir hreiðurstað.