Andvari - 01.01.1971, Blaðsíða 89

ANDVARI
RÆÐUMENNSKA JÓNS SIGURÐSSONAR
87
ráðum manna, og þar að auki er það mjög óforsjálegt, því með því sviptast
kaupendur, ef til vill, þeim hagnaði, að kaupa íé fyrir minna verð en taxt-
inn ákveður. Þessara tveggja atriða hefir nefndin ekki gætt.“
„Aðferðin í þessu má'li er annars 'hér á landi öldungis 'hin sama, eins
og ávallt endranær, þegar einhver ný skoðun fer að ryðja sér til rúms;
þeir sem fyrst koma með hana, eru kallaðir heimskingjar og föðurlands-
svikarar og öðrum illum nöfnum; hinir, sem fylgja gömlurn óvana, eru
kallaðir hyggnustu og reyndustu og beztu menn landsins; en hin nýja
skoðun ryður sér smám saman til rúms, eftir því sem menn fara að smá-
sjá fram á, að sú aðferðin er betri, að reyna að bjarga skepnum sínum,
heldur en að skera þær jafnskjótt og þeim verður illt.“
„Það hefir verið sagt, að niðurskurðurinn kæfi kláðann í fæðingunni,
lækningarnar ali hann; ég neita því ekki, að niðurskurðurinn tekur fljótar
af og hin dauða kind verður ekki aftur sjúk, en dautt er og verður þó
altjend dautt, fjáreignin er eydd, stofninn er eyðilagður, mikil auðæfi eru
spillt fyrir landinu, og það eina, sem menn geta huggað sig við, er það,
sem hrossalæknirinn sagði forðum um sjúkling sinn; hann dó reyndar, en
sóttin fór úr honum.“
„Niðurskurðurinn er eins og þegar menn höggva rjóður í skóg, þá slær
stormum og hretviðrunr niður í rjóðrið, og blæs upp allan skóginn, en
hinn, sem kann aðferðina, grisjar skóginn þar sem við þarf, gróðursetur
og læknar hann og hlynnir að honum, en eyðileggur hann ekki.“
A forsetastóli.
í upphafi þriðja þings, 2. júlí 1849, var Jón Sigurðsson kosinn forseti alþingis.
Var hann þá ekki kominn til þings. Urðu þeir samferða frá Kaupmannahöfn, Páll
Melsteð konungsfulltrúi og Jón. Lögðu þeir af stað 26. maí, en hrepptu andviðri
svo mikið, að þeir urðu þrívegis að hleypa undan veðri til Kaupmannahafnar
aftur. Er þeir komust enn af stað, urðu þeir fyrir illviðra sakir að hleypa undir
Noreg og liggja þar þrjár vikur. Til Islands komust þeir loks 29. júlí, eftir rösk-
lega tveggja mánaða för.
Varaforseti hafði stýrt þingstörfum í fjarveru Jóns. En 31. júlí tók hann við
störfum. Segir svo í alþingistíðindum:
Forsetinn, kandíat Jón Sigurðsson, gekk til fyrirsætis og tók þannig til orða: