Andvari - 01.01.1977, Side 56

54
GUÐMUNDUR DANÍELSSON
ANDVARI
„HafnargerSinni verSur náttúrlega haldiS áfram næsta sumar?"
„Vonandi," sagði Egill. ,,Því er hins vegar ekki að leyna, að útvegun
fjár til hafnargerðarinnar er mjög erfið. Skuldabréf Hafnarsjóðs með rík-
isábyrgð voru til sölu hér í héraði 1952, en seldust því miður dræmt.
Enn er þó ekki of seint að hlaupa undir bagga með kaup á bréfunum.
Mjög mikið ríður á, að hægt verði í sumar að koma niður fyrrnefndu
steinkeri, þar sem nú vantar aðeins herzlumuninn til þess að höfnin verði
að fullum notum hæði sem fiskihöfn og hafskipahöfn."
Líklega hefur það verið síðar þetta sama vor, sem Egill hélt sína frægu
og áhrifaríku veizlu, sem fyrr er að vikið, og fékk Mjólkurbúið til að
leggja fúlgu fjár í hafnarframkvæmdirnar. Þetta vor lauk útgerðarhluta-
félagið Meitillinn, undir stjórn Benedikts Thorarensens, sonar Egils, sinni
4. vertíð. Hún lánaðist nokkuð vel, heildaraflinn varð um 3000 tonn.
Bátarnir voru víst 5 og hétu allir nöfnum Skálholtsbiskupa.
Og síðar um vorið, laugardaginn 27. júní, kemur blaðið „Suður-
]and“ út með tveggja dálka mynd af Agli Thorarensen, og þriggja dálka
fimm línu fyrirsögn á fréttagrein: Dísarfell komið heim. Draumur fólks-
ins á hafnlausu ströndinni rætist. Um 800 manns á móttökuhátíð í Þor-
lákshöfn.
Hér eru nokkrar glefsur úr fréttagreininni:
„Við erum stödd í Þorlákshöfn, klukkan er 10 á sunnudagskvöldi.
Þetta er 21. júní, lengsti og hjartasti dagur ársins. Fjöldi fólks reikar um
hafnargarðinn og nágrenni hans. Einhver óvenjuleg gleði liggur í loft-
inu, fólk er að takast í hendur og óska hvað öðru til hamingju. Islenzki
fáninn og fáni Sambands íslenzkra samvinnufélaga blakta í mildri vor-
golunni. Hvað er að ske? í kvöld er draumur að rætast: „Hinir tíu
þúsund hafnlausu" hafa safnazt hér saman til þess að sjá fyrsta stórskip
sitt koma ru hafi og leggjast að bryggju í heimahöfn.
Laust fyrir miðnætti sigldi skipið fánum skreytt inn á höfnina. Þá var
mannmergðin svo þétt á hafnargarðinum, að bryggjuverðir áttu fullt í
fangi með að binda festar og skjóta út landgöngubrú.
Fyrstir gengu um borð þeir Vilhjáhnur Þór forstjóri SÍS og Egill Gr.
Thorarensen, en hann má telja föður Þorlákshafnar hinnar nýju og stór-
virkasta frumherja þeirrar nýsköpunar, sem þar hefur átt sér stað undan-
farin ár.