Andvari - 01.01.1986, Side 40

38
GUNNAR G. SCHRAM
ANDVARl
Þessi ákvörðun Gunnars vakti að vonum verulega athygli. Sjálfum
mun honum hafa verið ljóst að hér var teflt á tvær hættur og farið út
í óvissuna. Hann hafði verið utan stjórnmálanna í fimm ár. Margt
getur breyst á skemmri tíma í þeirri veröld og hann hafði enga
tryggingu fyrir því að sér yrði tekið þar tveim höndum á ný. Raunar
voru ýmis teikn um hið gagnstæða, þar sem hinn nýi formaður Sjálf-
stæðisflokksins, Jóhann Hafstein, sem tekið hafði við eftir sviplegt
fráfall Bjarna Benediktssonar sumarið 1970, tjáði Gunnari að sín
skoðun væri sú að það væri flokknum ekki til styrktar að hann kæmi
inn í stjórnmálin á nýjan leik. Reyndin varð þó sú að hann átti góðu
gengi að fagna í þessu afdrifaríka prófkjöri. í forkosningu innan
fulltrúaráðs Sjálfstæðisflokksins hlaut hann 50% atkvæða og í sjálfu
prófkjörinu til þinglistans varð hann í þriðja sæti á eftir Geir Hall-
grímssyni borgarstjóra og Jóhanni Hafstein forsætisráðherra. Þar
með hafði Gunnar á nýjan leik haslað sér völl á vettvangi þjóðmál-
anna þar sem hann átti eftir að koma mjög við sögu í nær hálfan
annan áratug.
Snemma árs 1971 var Gunnar að nýju skipaður prófessor við laga-
deild Háskólans. Því starfi gegndi hann til 1974 er hann varð iðnað-
ar- og félagsmálaráðherra í ríkisstjórn þeirri sem Sjálfstæðis- og
Framsóknarflokkurinn mynduðu eftir kosningarnar þá um vorið
undir forsæd Geirs Hallgrímssonar formanns Sjálfstæðisflokksins.
Formaður þingflokks Sjálfstæðisflokksins var Gunnar kjörinn í apríl
1973 og varaformaður flokksins á ný á landsfundi 1974.
13
Þau ár sem Gunnar gegndi embætti iðnaðar- og félagsmálaráð-
herra 1974 — 1978 voru annatímar á vettvangi ráðuneyta hans.
Mikill hugur var í mönnum að kanna til hlítar á hvern hátt væri
best og hagkvæmast að nýta það afl sem felst í fallvötnum landsins í
þágu iðnaðar og þá ekki síst nýrrar stóriðju. Jafnframt voru stjórn-
arflokkarnir á einu máli um nauðsyn þess að halda áfram beislun
jarðhitans, bæði fyrir hitaveitur sem víðast um land og til orkufram-
leiðslu. Það kom í hlut Gunnars sem iðnaðarráðherra að hafa for-