Andvari - 01.01.2003, Side 42

40
SIGURÐUR PÉTURSSON
ANDVARI
laginu Framsókn, og stjómuðu Alþýðusambandi Vestfjarða. Þetta var
mikill þymir í augum sósíalista og var sambúð þeirra og þessara félaga
stirð á meðan þeir stýrðu ASÍ á árunum 1944-1948.
Sumarið 1948 sendi miðstjóm ASÍ bréf til sambandsfélaga á Vest-
fjörðum og tilkynnti þeim að þar sem þing ASV hefði ekki verið haldið
í næstum fjögur ár væri umboð stjómar þess fallið niður og félögin
ættu ekki lengur að afhenda stjóm ASV þriðjung af skattgreiðslu sinni
til ASÍ, eins og lög sambandsins gerðu ráð fyrir.51
Urðu af þessu máli miklar deilur í blöðum milli alþýðuflokksmanna
og sósíalista og beindist gagnrýni sósíalista fyrst og fremst að Hanni-
bal Valdimarssyni og Helga Hannessyni. Meira bjó þó að baki en um-
hyggja fyrir starfi verkalýðsfélaganna á Vestfjörðum. Alþýðusam-
bandsþing stóð fyrir dyrum og barátta milli andstæðra fylkinga innan
verkalýðshreyfingarinnar, sósíalista og jafnaðarmanna, teygði sig inn í
næstum hvert einasta félag. Niðurstaðan varð sú að sósíalistum var
steypt úr forystu Alþýðusambandsins með samstarfi jafnaðarmanna,
framsóknarmanna og sjálfstæðismanna.52 Forseti þings ASI haustið
1948 var kjörinn Hannibal Valdimarsson og nýr forseti sambandsins
varð Helgi Hannesson, formaður verkalýðsfélagsins Baldurs á Isafirði.
Gegndi hann því embætti allt til ársins 1954 að annar Vestfirðingur
hreppti stólinn eftir mikla pólitíska sviptivinda. Verður þess getið síðar
í þessum skrifum. Vestfirskir jafnaðarmenn voru komnir til valda í
Alþýðusambandi íslands.
5. Bœjarfulltrúinn
Störf Hannibals Valdimarssonar að verkalýðs- og stjómmálum urðu
sífellt umfangsmeiri eftir að hann fluttist til ísafjarðar 1931. Fyrr er því
lýst að Hannibal varð formaður Baldurs og forseti Alþýðusambands
Vestfjarða jafnframt sem hann skrifaði mikið í Skutul og tók við rit-
stjóm blaðsins. Gerðist hann helsti málsvari jafnaðarmanna á Isafirði
næstu árin ásamt Guðmundi G. Hagalín. Fyrst í stað var Hannibal
útveguð skrifstofuvinna hjá Samvinnufélagi Isfirðinga sem Finnur
Jónsson baráttufélagi hans stýrði. Auk þess kenndi hann við Gagn-
fræðaskólann, en eftir nokkurt pólítískt fjaðrafok hætti hann stunda-
kennslu við skólann árið 1934. Það ár tók hann til við að stjóma bygg-
ingu og síðar rekstri Alþýðuhússins og fékk fyrir það nokkur laun.