Andvari - 01.01.2004, Page 46

44
BJÖRG EINARSDÓTTIR
ANDVARI
Störfað borgarmálum
Frœðslumál
Af fastanefndum borgarinnar sat Auður lengst í fræðsluráði eða frá
1947 til 1970 og formaður þess seinustu átta árin, ennfremur í fram-
færslunefnd og skamma hríð í heilbrigðisnefnd. Einnig var hún í
ýmsum nefndum sem störfuðu tímabundið að afmörkuðum verkefnum
svo sem skjaldarmerkisnefnd, samninganefnd og ráðhúsnefnd.
I blaðaviðtali við Auði árið 1971 segir hún um veru sína í fræðslu-
ráði: „Þetta var töluvert mikið starf,“ og bætir við:
Og það verð ég að segja, að það var mjög skemmtilegt starf að vera í fræðslu-
ráði í Reykjavík. Höfuðborgin hefur á þessum árum haft forgöngu um margs
konar endurbætur í skólamálum, er til framfara hafa horft, sem ekki er raunar
óeðlilegt af stærsta og öflugasta fræðsluhéraði landsins.
Með gildistöku nýrra fræðslulaga 1946 var skólaskylda lengd um eitt
ár, böm voru nú skólaskyld á aldrinum 7-15 ára og skiptist skólavist-
in í bama- og unglingastig. Jafnframt var skólakerfið gert samfellt
þannig að próf frá einu skólastigi gilti á næsta og landspróf varð skil-
yrði fyrir inntöku í menntaskóla. Skólanefndir voru lagðar niður og
fræðsluráð tóku við störfum þeirra. Fræðsluráð Reykjavíkur fer með
stjóm fræðslumála í borginni, fræðslustjóri (í fyrstu fræðslufulltrúi) er
framkvæmdastjóri þess og fundarritari; frá skrifstofu hans er ýmsum
þáttum í skólastarfi bæjarins stjórnað. Fræðsluskrifstofa bæjarins tók
til starfa árið 1943 en eftir kosningar 1946 hóf fyrsta fræðsluráð störf.
A fyrsta fundi ráðsins um vorið lá fyrir tillaga frá bæjarstjórn: Að fela
fræðslufulltrúa að gera yfirlit um þörf skólabygginga eftir nýrri löggjöf
um fræðslumál og leggja fyrir fræðsluráð. Þar með var stórverkefni ýtt
úr vör og hjá ráðinu hófst mikil vinna við að koma skólahúsnæði á
laggirnar - það var stöðug þörf vegna mikils aðstreymis fólks til
bæjarins.
I stríðsbyrjun voru fjórir bamaskólar í Reykjavík. Það er Miðbæjar-
skólinn, að stofni til frá 1862 en til húsa frá 1898 við Fríkirkjuveg,
Austurbæjarskóli stofnaður 1930, Laugarnesskóli er tók til starfa 1935
og Skildinganesskóli 1936, varð síðar Melaskóli í nýju húsi við Haga-
mel. Til samanburðar má geta þess að á ritunartíma þessarar greinar
eru 42 grunnskólar í Reykjavík. Fundargerðir fræðsluráðs bera með sér