Andvari - 01.01.2004, Side 56

54
BJÖRG EINARSDÓTTIR
ANDVARI
Auður taldi einnig að ef störf hlæðust um of á fólk væri hætta á að það
kæmi niður á vinnubrögðum. Niðurstaðan hvað starf borgarstjóra
snerti var með besta samkomulagi þeirra Geirs sem síðan átti farsælan
borgarstjóraferil.
Þegar Auður Auðuns hóf, eftir kosningamar 1946, að sitja fundi
bæjarstjómar voru þeir haldnir í Kaupþingssalnum í rishæð Eimskipa-
félagshússins við Pósthússtræti; þar hafði verið innréttaður salur til
fundahalda og til að starfrækja kaupþing en lítið fór fyrir þess háttar
fjármálastarfsemi framan af 20. öld. Bæjarstjómin átti ekki í eigið hús
að venda og fundaði upphaflega í nýreistu þinghúsi bæjarins á Skóla-
vörðustíg 9 (í daglegu tali kallað hegningarhúsið) frá 1873-1902 er
tekið var að funda í Góðtemplarahúsinu við Templarasund. Hinn 9.
nóvember 1932 dró til tíðinda á bæjarstjórnarfundi. Kreppan var í
algleymingi og bæjarstjórnin hugðist lækka laun í atvinnubótavinnu en
mannfjöldi hleypti upp fundinum. Lögreglan skarst í leikinn en fékk
lítt við ráðið og sluppu nokkrir bæjarfulltrúar út um glugga. Ljóst þótti
að fulltrúarnir þyrftu að vera í meira vari við störf sín og fundahaldið
þá flutt í Kaupþingssalinn. Þar var fundað uns salarkynnin í Skúlatúni
2 komu í gagnið 1958 og frá 1992 í nýju ráðhúsinu. Þó kom það til
síðsumars 1947 að bæjarstjórnin þurfti um stundarsakir að rýma Kaup-
þingssalinn og fékk þá inni í sal efri deildar Alþingis en hlaut að víkja
fyrir þinginu um haustið. Nokkrir fundir voru haldnir í skrifstofu borg-
arstjóra í Austurstræti og síðan tekið til bragðs að fá inni fyrir bæjar-
stjómina í Sjálfstæðishúsinu við Austurvöll og „var minnihluti bæjar-
stjómar ekki hýr yfir því staðarvali, enda ekki látið óátalið,“ sagði
Auður kankvís þegar hún minntist þessa.
Sumarið 1945 var stofnað Samband íslenskra sveitarfélaga. Auður
taldi það í verkahring sínum sem bæjarfulltrúa að fylgjast með störfum
þess og gerði sér far um það allt frá upphafi. Markmið sambandsins var
meðal annars að efla innbyrðis samstarf íslenskra sveitarfélaga og
„vinna að því, að æðri stjómvöld taki réttmætt tillit til óska og þarfa
sveitarfélaganna“ enn fremur var rík áhersla á innbyrðis fræðslu.
Stjórn sambandsins var þríþætt: landsþing, fulltrúaráð og fram-
kvæmdastjórn. I tveimur fyrrtöldu þáttunum var Auður virk. Lands-
þing Sambands íslenskra sveitarfélaga fer með æðsta vald í öllum
málum þess, þingin hafa oftast verið haldin sama ár og sveitarstjómar-
kosningar eru haldnar, en stundum oftar, var Auður Auðuns fulltrúi
Reykjavíkur á fyrstu landsþingunum. I fulltrúaráðinu voru 20 manns