Andvari - 01.01.2008, Blaðsíða 66

64
KRISTINN KRISTMUNDSSON
ANDVARI
heim til mín og sagði umbúðalaust: „Kristinn. Sæktu um Laugarvatn.“
Mér brá við og svaraði hikandi að ég óttaðist að svo erfitt starf kynni
að verða mér ofviða. Svarinu gleymi ég ekki: „Ungir menn mega ekki
sí og æ vera að leita sér að værðarvoðum.“ Samtalið varð ekki miklu
lengra en ég man að Bjarni bauð mér að koma og ræða við sig hvort
sem eitthvað yrði af breytingu á mínum högum eða ekki. Af þeim við-
ræðum varð því miður ekki vegna hins óvænta fráfalls hans 2. ágúst
1970.
✓
A útfarardegi Bjarna, 8. ágúst 1970, urðu margir til að minnast hans á
opinberum vettvangi. Lokaorð þáverandi skólameistara Menntaskólans
að Laugarvatni, Jóhanns S. Hannessonar, sýna hvernig verk Bjarna á
Laugarvatni komu fyrir sjónir manns sem bar af öðrum að víðsýni og
þekkingu á skólamálum utan lands sem innan:
Um eitt deildum við Bjarni aldrei: menntunarþörfina, sem öllum skólunum á
Laugarvatni var frá upphafi ætlað að sinna. I augum manns í minni stétt er
starfið í þágu skólamála strjálbýlisins mikilvægasti þátturinn í ævistarfi þessa
mikla athafnamanns. Á því sviði er enn mikið starf að vinna, bæði um stefnu-
mótun og framkvæmdir, og skuldin við minningu Bjarna Bjarnasonar verður
ekki betur greidd en með áframhaldandi starfi á áhugasviði hans. Úrræðin
aðskilja kynslóðirnar en síóleyst vandamálin tengja þær. Menntaskólinn að
Laugarvatni kveður upphafsmann sinn með þökk og virðingu og blessar minn-
ingu hans sem frumherja lifandi málstaðar.109
Mér er fullljóst að mikið vantar á að lífi og starfi Bjarna Bjarnasonar
hafi verið gerð þau skil í þessari ritgerð sem efni standa til og vert væri.
Ævisaga hans, byggð á ýtarlegri rannsókn, yrði miklu stærra ritverk
og gæfi gleggri mynd af honum sjálfum og samtíma hans. Hér hefur
verið dvalist við þau störf sem helst hafa haldið nafni hans á lofti og þá
hafðar í huga framfarahugsjónir aldamótamanns sem lætur sér ekkert
mannlegt óviðkomandi, tekur það hlutverk alvarlega að bæta mannlífið
og lætur einskis ófreistað í þeim tilgangi. Hann skynjar ungur að til
þess er menntun almennings tækið sem mestu varðar. Það hefur orðið
gæfa ótal margra að Bjarni Bjarnason ákvað að helga því tæki krafta
sína. Og með farsælu og öflugu skólastarfi á Laugarvatni sem annars
staðar njóta komandi kynslóðir ávaxtanna af verkum hans.