Andvari - 01.01.1956, Síða 29

andvari
Bcncdikt Svcinsson
25
foldar varð fyrir valinu. Bráðlega kom að því, að ýmsum í Sjálf-
stæðisflokknum þótti hann halda linlega á sjálfstæðismálunum.
Onnur mál urðu einnig til sundurþykkis, og þá einkum það,
er ráðherra flokksins vék Tryggva Gunnarssyni bankastjóra
Landsbankans og gæzlustjórunum allharkalega úr stöðunr þeirra.
Deilurnar innan flokksins hörðnuðu rneir og meir, og loks kom
þar, að nokkrir Sjálfstæðismenn báru fram á Alþingi 1911 til-
lögu til vantrausts á Birni ráðherra, og var Benedikt Sveinsson
framsögumaður tillögunnar. Tillagan var samþykkt, og að von-
um urðu fylgismenn Björns í flokknum æva reiðir þessum að-
gerðum. Þeir kölluðu vantrauststillöguna „sparkið" og þá flokks-
Lræður sína, sem að henni stóðu, nefndu þeir „sparkliðið." Bene-
dikt Sveinsson og fleiri Sjálfstæðismenn vildu nú, að Skúli Thor-
oddsen yrði ráðherra. En það fór sem áður. Annar maður varð
fyrir valinu. Það var Kristján Jónsson frá Gautlöndum.
Kosningar voru mjög tíðar á þessum árum, og olli því riðlan
a flokkaskipun og sífelld endurskoðun á stjórnarskránni. Bene-
dikt Sveinsson hafði orðið að láta af ritstjórn Ingólfs í árslok 1909,
þá. er andbanningar keyptu blaðið og gerðu það að málgagni
sínu um hríð, en ritstjóri Fjallkonunnar var Benedikt 1910—11.
Hann tók svo aftur við ritstjórn Ingólfs árið 1913 og stjómaði
því blaði, unz það hætti að koma út árið 1915. Var erfitt um
Haðaútgáfu á þessurn árurn, oft hætt við sundurþykkju um stefnu-
málin milli þeirra, sem að blöðunum stóðu.
Um hríð voru nú höfuðþættir sjálfstæðisbaráttunnar þrír,
samningarnir við Dani, endurskoðun stjórnarskrárinnar og fána-
málið.
Á þingi 1909 höfðu Sjálfstæðismenn breytt ,,uppkastinu“
mjög mikið, og hlutu tillögur þeirra til sambandssáttmála land-
anna engan hljómgrunn í Danmörku. Árið 1911 samþykkti Al-
þingi breytingar á stjórnarskránni, sem miðuðu að því að gera
Lana að ýmsu frjálslegri. Ákvæðið um konungkjörna þingmenn
Var fellt niður og konur skyldu fá kosningarrétt, en sú breyting